YAYA ZAKA SAMAR DA YARO MAI SON KARATU كيف تصنع طفلا قارئًا؟

YAYA 'DANKA ZAI ZAMA MAI YAWAN KARANCE-KARANCE?

(كيف تصنع طفلا قارئا)

1-    Sanin dabarun hadda, da fahimta, da kwankwadar ilimi.

2-    Yarda da kai da samun karfin hali, da sanin kai.

3-    Kyautata karfin kwakwalwa.

Damammaki ne da kuma dabarun wanda 'danka zai koye su; idan har dan yaro ne mai yawaita karatu, mai kuma son littafafai.

Sai ka yi kwadayi ya zama hakan, ta hanyar///

a.    Samar wa yaro littatafai da majalloli da kissoshi masu kayatarwa a cikin hotuna wadanda suka dace da irin shekarunsa, a cikin dakinsa, ko inda hannayensa za su iya dauka.

b.    Yin tarayya da shi cikin karance-karancen littatafansa da kissoshin da ya ke so.

c.     Tafiya da shi dakunan karatu ko laburare, da karfafa shi kan zaban wasu kissoshi da kansa.

d.    Amsa masa wasu daga cikin tambayoyinsa, da kuma nusar da shi wasu littatafan da za su amsa masa sauran tambayoyin.

e.    Yin amfani da salo mai cike da hikima, ta hanyar hakaito masa kissoshi masu dadi, sai kuma a nuna masa littatafan da suka kunshi kissoshin da suka fi nasan dadi.

f.      Karfafar yaro da kyaututtuka, da kuma kalmomin karfafa guiwa da yabawa, ga dukkan cigaban da yaron ya samu ta bangaren karatu.

g.    Sai kuma kulla alaka tsakanin nashadodin da yaron ya ke so, da karance-karance.

Kuma da wadannan hanyoyin ne yaronka zai mallaki mabudan ilimi da masaniya, Da fatan ya samu kansa cikin wadanda Allah ke magana akansu cikin fadinSa: "ALLAH NA DAUKAKA DARAJOJIN WADANDA SUKA YI IMANI, DAGA CIKINKU, DA NA WADANDA AKA BAIWA ILIMI" [Mujadilah: 11].