ABABEN DA BASU KARYA AZUMI ما لا يفطر

ABABEN DA BASU KARYA AZUMI

(ما لا يُفطِّر)

          Lamura dayawa ne Mai yin azumi ke bukatar amfani da su, Kuma zai iya zaton cewa, suna karya azumi, amma ba haka lamarin ya ke ba;

          Misalinsu, shine

          KURKURAN BAKI, DA SHAKA-RUWA A HANCI, ba tare da zurfafawa ba.

          DA SANYA KWALLI. DA 'DAN'DANAR ABINCI, Idan akwai bukatar hakan.

          Daga cikinsu, akwai TONAN HAKORA, DA CIRE HAKORA, DA TSAFTACE SU, da aswaki ne, ko brosh, tare da kiyaye isar makilin cikin makoshi. Tare da cewa, abinda yafi tsantseni dangane da lamarin makilin shine yin amfani da shi, da dare.

          Kuma daga cikinsu, akwai ABIN WANKE KUNNE, DA ISKAR DA AKE FESAWA DOMIN MAGANIN ASMA KO MATSALAR NUMFASHI (INHELA), DA KWAYOYIN MAGANI, WADANDA AKE IJIYE SU KARKASHIN HARSHE, DOMIN SU BADA KARIYA KAN MATSALOLIN CIYON ZUCIYA. DA KUMA ISKAR DA AKE MAGANIN WASU MATSALOLI DA SUKE CIKIN BAKI. Saidai haramun ne mutum ya yi gangancin hadiye wani abu daga cikin abinda ya gabata, ko

 isar da shi ga makoshi.

          HAKA SUMA ABABEN DA AKE SANYA SU A CIKIN MAHAIFA DOMIN YIN MAGANI KO WANKI A GARE SHI, DA MAKAMANCIN HAKA (BASU KARYA AZUMI), HAKA SUMA ALLURAI DON MAGANI GA FATA KO JIJIYOYI, in banda alluran da suke dauke da abinci, wadannan su kam suna karya azumi.

          Haka ababen da suke shiga cikin jiki, TA HANYAR FATAR JIKIN TA TSOTSE SU, Kamar nau'ukan mayi, da sauran ababen shafawa, da mannawa na magani, da shigar da NA'URAR GANIN MATSALAR DA TAKE CIKIN CIKI, TA HANYAR FATAR CIKI, KO TA CIKIN TUMBI, MATUKAR BA A HADA DIRIB NA RUWA KO WASU SINADARAN NA DABAN BA.

         

          Hakika Allah ya saukake mana addininsa, sa'annan ya dauke duk wani abu mai sanya kunci, Kuma Annabinmu –sallal Lahu alaihi wa sallama- ya yi gaskiya cikin fadinSa:

((بُعثتُ بالحنيفية السَّمْحة)).

Ma'ana: "An turo ni da mikakken addini, mai sauki".