A IRIN WANNAN WATA NA SHA'ABAN ! (في مثل هذا الشهر -شعبان-)

A IRIN WANNAN WATA NA SHA'ABAN !

(في مثل هذا الشهر -شعبان-)

Watan Sha'abana, shine wata na takwas daga cikin watannin shekarar hijira. Kuma a cikinsa ababe dayawa na tarihi na-musamman, suka auku,

A SHEKARA TA 2 BAYAN HIJIRA Allah ya farlanta azumin watan Ramadana akan musulmai, sai hakan ya mayar da azumi ya zama daya daga cikin rukunan guda biyar wadanda aka gina musulunci akansu.

A CIKIN SHA'ABAN NA SHEKARA TA 3 BAYAN HIJIRA Aka haifi Alhasan bn Aliyu –Allah ya kara yarda akansu-; wato jikan Manzon Allah –sallal lahu alaihi wa sallama-, kuma daya daga jagorori biyu na samarin Aljannah.

A RANAR BIYAR GA WATAN SHA'ABAN, A SHEKARAR HIJIRA TA BIYAR Aka haifi Alhusaini bn Aliyu –Allah ya kara yarda a gare su-; wato jikan Manzon Allah –sallal lahu alaihi wa sallama-, kuma daya daga jagorori biyu na samarin Aljannah.

KUMA A WATAN SHA'ABAN NA SHEKARA TA BIYAR KO KUMA SHIDA BAYAN HIJIRA Labarin azamar wasu mushirkai kan yakar Manzon Allah –sallal lahu alaihi wa sallama- ya iske shi, wanda hakan yazama sababin yakin da ke kira da YAKIN BANIL MUSDALIK kuma a wannan yakin Musulmai suka ci nasara akan mushirkai.

KUMA A WATAN SHA'ABAN NA SHEKARA TA CASA'IN DA HUDU (94), AKA HAIFI IMAM LAISU BN SA'AD BN ABDURRAHMAN ALFAHMIY ALMISRIY, wato babban malamin hadisi, masanin ilimin fikihu mahardaci.

KUMA A 25 NA WATAN SHA'ABAN TA SHEKARA TA 625 daga hijira, aka haifi babban malamin fikihu na mazhabar ImamAs-Shafi'iy, Wato, Takiyyudden Muhammadu bn Aliyu bn WAhab, wanda aka sanshi da lakabin Ibnu-dakik Al-id, ma'abucin wallafe-wallafe sanannu, da kuma tarihi abin yabo.

A KUMA RANAR 12 GA WATAN SHA'ABAN NA SHEKARA TA 672 ta hijira, ya rasu a garin Damaskas, Malamin da yayi zurfi cikin ilimin harshen larabci, da sanin fiskoki mabanbanta da ake karanta Kur'ani da su; wato ilimin kiraa-at, wanda shine Imam Ibnu-Malik, ma'abucin shahararrun wallafe-wallafe, daga cikinsu Alfiyyar Ibnu-Malik.

Watan Sha'aban wata ne da aka haifi jigajigan Maluma da manyan mutane.