ABABEN DA SUKA DACE A RIKA AIKATAWA A WANNAN WATA MAI GIRMA

ABABEN DA SUKA DACE A RIKA AIKATAWA A WANNAN WATA MAI GIRMA

·        Samar da yanayi da shirya kai; domin yin ibadodi, da gaggawan tuba da mayar da lamura ga Allah, da yin farin-cikin shigan watan azumi, da kyautata ibadar azumi, da samun kushu'i da kan-kan-da-kai cikin sallolin tarawihi, da nisantar raunin aiwatar da ibadodi a goman tsakiyan watan, da kirdadon dacewa da daren Lailatul kadr, da yin sadaka, da i'itikafi,.

·        Babu laifi akan kalaman taya juna murnar shigowan watan azumi, saboda Annabi –sallal Lahu alaihi wa sallama- ya kasance yana yin bushara ga SahabbanSa, kan zuwan watan azumi, ya kuma rika kwadaitar da su kan bada kulawa ga wannan watan.

DAGA CIKIN HUKUNCE-HUKUNCEN AZUMI

            6. DAGA CIKIN NAU'UKAN AZUMI; AKWAI WANDA JERANTA SU WAJIBI NE; kamar azumin Ramadana, da yin azumin kaffarar kisan kuskure, da azumin kaffarar zihari, da azumin kaffarar jima'i a cikin yinin azumi, da wassunsu.

DAGA CIKIN AZUMI KUWA; Akwai wadanda jerantawar  ba wajibi ba ne, kamar ramukon azumin Ramadana, da azumin kwanaki goma ga Mahajjacin da bai samu damar yin hadaya ba, da makamantan wannan.

7. Azumin nafifili, suna tottoshe nakasar da ake samu a cikin azumin farilla.

8. hani ya zo, kan kebance yinin Juma'a da azumi, da azumtar yinin Asabat, idan ba na farilla ba, da azumtar kwanakin shekara (azumin kullum-kullum), da hani kan wucel cikin azumi, kuma haramun ne yin azumin ranakun idi guda biyu, da kwanakin bayan idin layya uku (na busar da naman layyah).