YIN UMRAH A WATAN RAMADHANA

YIN UMRAH A WATAN RAMADHANA

Tambaya: Shin ya tabbata cewa umrah a cikin watannin aikin hajji tana da wata falala ta musamman, wanda ya banbanta da sauran watannin? ([1])

Amsa: Mafificin zamani da ake aiwatar da umrah a cikinsa shi ne watan azumi, saboda faxin Annabi (صلى الله عليه وسلم):

«عُمْرَةٌ فِي رَمَضَانَ تَعْدِلُ حَجَّةً».

Ma'ana: "Yin umrah a cikin ramadhana yana daidai da yin aikin hajji" ([2]). Bukhariy da Muslim suka ruwaito shi, a wani lafazin na Imam Albukhariy:

«تَقْضِي حَجَّةً مَعِي».

Ma'ana: "Tana daidai da yin hajji tare da ni" ([3]). A cikin sahihu Muslim kuma: 

«تَقْضِي حَجَّةً أَوْ حَجَّةً مَعِي».

Ma'ana: "Tana daidai da yin hajji, ko kuma yin hajji tare da ni" ([4]). Haka lafazin ya zo da shakka –daga maruwaita-.

Lafazin "tare da ni" na nufin: tare da Annabi (صلى الله عليه وسلم).

Sa'annan bayan umrar ramadhana sai kuma yin umrah a cikin watan "zulqi'idah" ([5]); saboda dukkanin umrarsa (صلى الله عليه وسلم) sun kasance ne a cikin wannan watan, Allah ta'alah kuma yana cewa:

(لقد كان لكم في رسول الله أسوة حسنة) [الأحزاب: ٢١].

Ma'ana: "Lallai kuna da abun koyi mai kyau daga rayuwar Manzon Allah" [Ahzaab: 21].

---

([1]) A duba/ FATAWA ISLAMIYYAH, (2/303), tattarawar: Sheikh Muhammad Al-musnid, da littafin MAJMU'U FATAWA WA MAQAALAAT MUTANAWWI'AH, (17/ 431).

([2]) Hadisin Abdullahi xan Abbas (رضي الله عنه), Bukhariy ya rawaito shi (lamba: 1782), da Muslim (lamba: 1256).

([3])  Bukhariy ya rawaito shi (lamba: 1863), wajen Muslim kuma hadisin ya zo da lambar da ta gabata.

([4])  Riwaya ce na hadisin da ya gabata.

([5])  Bayani akan yawan "umrar" da Annabi (صلى الله عليه وسلم) ya aikata, da kuma lokutansu = ya zo daga Anas (رضي الله عنه), Kamar yadda Imamu Bukhariy ya kawo a cikin sahihinsa (lamba: 1778-1781), da Muslim (lamba: 1253).