TAMBAYOYI GOMA KAN KHALIFOFIN ANNABI (SAW) GUDA 4

الأسئلة العشرة عن برنامج "الخلفاء الأربعة الراشدين" بقلم: أبو بكر حمزة

(1)   TAMBAYA: Menene dalilin yin laƙabi ga Abubakar (RA) da "As-siddiq"?

AMSA: Saboda yawan gaskata manzon Allah (SAW).

(2)   TAMBAYA: Menene sunan mutane hudu (4) da haifayya ce tsakaninsu, waɗanda kuma dukkanninsu sun shiga "musulunci"?

AMSA: 1- Abdullah bn Usman (Abubakar Siddiq -RA-), 2- Usman bn Amir (Mahaifin Abubakar Siddiq), 3- Asma'u Bnt Abubakar Siddiq ('Yar uwar A'ishah), 4- Abdullahi bn Az-zubair bn Al-awwam (Jikan Abubakar Siddiq ta wajen 'yarsa Asma'u).

(3)   TAMBAYA: Wanne malami ne yace: falalolin Abubakar Siddiq (RA) galibinsu "KHASA'IS" ne; Ma'ana: Sauran sahabbai basu yi tarayya da shi a cikinsu ba?

AMSA: Shekhul Islam Ahmad bn Abdulhalim (Ibnu taimiyyah).

(4)   TAMBAYA: Menene sunan matar manzon Allah (SAW) kuma 'ya ga Umar bn Al-khaɗɗab?

AMSA: Sunanta shine: Hafsah bnt Umar (RA).

(5)   TAMBAYA: Menene sunan mutumin da ya kashe Umar bn Al-khaɗɗab (RA); Ma'ana: ya zama sababin shahadarsa?

AMSA: Fairuz (laƙabinsa: Abu-lu'ulu'ah Almajuwsiy).

(6)   TAMBAYA: Wane mutum ne ya kama kafadar Abdullahi bn Abbas (RA) a lokacin da suke tsaye akan gawarsa (Umar bn Al-khaddab -RA-); yake kuma ta yabonsa (Umar) da yi masa addu'o'i?

AMSA: Aliyu bn Abiy-ɗalib (RA).

(7)   TAMBAYA: Menene sunan matan Usman bn Affan (RA) guda biyu wanda ya samu laƙabin "zun-nuuraini" saboda auransu da ya yi, kuma 'ya'ya ne ga Manzon Allah (SAW)?

AMSA: Sunansu shi ne 1- Rukayyah (RA), da 2- Ummu Kulsuum (RA).

(8)   Aliyu bn Abiy-ɗalib (RA) yace: "Mafi alherin mutane bayan Manzon Allah (SAW) shi ne: Abubakar, Sa'annan sai Umar" Sai 'dansa yace: Sai naji tsoron kar yace: Sai Usman; Sai nace: Sa'annan sai kai? Sai yace: Ni ba kowa bane face: 'Daya daga cikin musulmai". TAMBAYA: Menene sunan 'dan Aliyu da ya masa wannan tambayar?

AMSA: Sunansa shine Muhammad (ƙani ne ga Al-hasan da Al-husain, laƙabinsa kuma: Ibnul-hanafiyyah).

(9)   TAMBAYA: Menene sunan 'yar Aliyu bn Abiy-ɗalib (RA); da ya aurar da ita ga Umar bn Alkhaɗɗab (RA)?

AMSA: Sunanta shine: Ummu-kulsuum (jika ce ga manzon Allah -SAW- ta wajen 'yarsa: Faɗimah)?

(10)                      TAMBAYA: Menene sunan mutumin da ya kashe Aliyu bn Abiy-ɗalib (RA); Ma'ana: ya zama sababin shahadarsa?

AMSA: Sunansa shine: Abdurrahman bn Muljim Almuradiy (ɗaya daga cikin khawarijawa).