AMFANI DA DUKKAN DAMAMMAKI, DOMIN HIDIMAR BAKIN ALLAH; MAHAJJATA, DON SU YI TAFIYARSU TA HAJJI CIKIN SAUKI DA NATSUWA (تسخير كافة الإمكانات لضيوف الرحمن لتأدية رحلة الحج بيسر وطمأنينة)

AMFANI DA DUKKAN DAMAMMAKI, DOMIN HIDIMAR BAKIN ALLAH; MAHAJJATA, DON SU YI TAFIYARSU TA HAJJI CIKIN SAUKI DA NATSUWA

(تسخير كافة الإمكانات لضيوف الرحمن لتأدية رحلة الحج بيسر وطمأنينة)

Mai girma ministan hajji da umrah;

Dr. Muhammadu Salih bn Dahir Bintin

معالي وزير الحج والعمرة د. محمد صالح بن طاهر بنتن

Tarjamar

Abubakar Hamza Zakariyya

Ministirin hajji da umrah ta kasar Saudia	MA'AIKATA
Bayani ga 'yan jarida	SASHEN SADARWA
Amfani da dukkan damammaki domin hidimar bakin Allah; Mahajjata, don su yi tafiyarsu ta hajji cikin sauki da natsuwa	MAUDU'I
Cikin kasar Saudia da wajenta	YADAWA
06/ Zul-hijjah/1439h	RANA
Mai girma ministan hajji da umrah; Dr. Muhammadu Salih bn Dahir Bintin	MASU MAGANA

Mai girma Ministan hajji da umrah

YIN AMFANI DA DUKKAN DAMAMMAKI, DOMIN HIDIMAR BAKIN ALLAH; MAHAJJATA, DON SU YI TAFIYARSU TA HAJJI CIKIN SAUKI DA NATSUWA

            Mai girma ministan hajji da umrah; wato Dr. Muhammadu bn Salih bn Dahir Bintin, ya bayyana cewa lallai bin yadda ayyukan suke gudana ko-da yaushe, da umurnin Mai hidimar harami biyu masu girma; Sarki Salman bn Abdul'aziz, da kuma Mai girma Na'ibin sarki, wato Yarima Muhammadu bn Salman bn Abdul'aziz, wanda shine Na'ibin shugaban majalisar ministoci, kuma ministan tsaro –Allah ya kiyaye su-, sun nuna cewa: A yi amfani da dukkan damammaki da kafatanin ma'aikata, domin hidima ga Bakin Allah, wadanda suka zo domin hajjin dakin Allah mai alfarma.  

            Kuma Mai girman ministan ya tabbatar cewa hukumarsa da sauran hukumomi sun yi cikakken shiri domin tarbar Bayin Mai rahama, wadanda suka fito daga sako daban-daban na Duniya, wadanda suke shiri a ranar lahdi mai zuwa (wato, ranar takwas ga watan zul hijjah) cewa za su sauka a mahada ta farko daga cikin wuraren bauta masu tsarki, domin su kwana a wurin da ake kira Minah, (Ministan) yana mai fatan su samu tafiyarsu ta imani, cike da natsuwa, don su sauke hajjinsu da ibadodinsu cikin dukkan sauki da natsuwa.

            Kuma minister Dr. Bintin ya ce: "Lallai ministirin hajji da umrah, da dukkan bangarorinta, suna yin aiki tukuru, tare da samun taimakon dukkan hukumomin da aka hada na hajji da umrah, wajen gabatar wa bakin Allah mafi kyan hidimomi, a lokacin tarbarsu a wuraren ibada masu tsarki (Minah, Muzdalifah, da Arfah), har zuwa lokacin da za su koma gidajensu suna masu riba da samun babbar ganima".

            Kuma Mai girma ministan hajji da umrah Dr. Bintin ya yi nuni cewa lallai hukumar hadimin harami guda biyu madaukaka, ta yi aiki dayawa daga mafi girman ayyukan fadada Masallatai wanda garurruka biyu masu tsarki suka taba samu a tarihin Musulunci, wanda kuma hakan shine ya kara yawan abinda Masallatan biyu zasu dauka na masu ibada, kuma ya baiwa Musulmai daga ko-ina suke a Duniya, damar yin ayyukansu na ibada cikin sauki da natsuwa.

            Kamar yadda masarautar Saudia ta yi manyan ayyukan raya kasa, a garin Makkah da Madina da wuraren bauta na Mina da Muzdalifa da Arfah, wanda suka zama cibiyoyin ayyukan hidimtawa masu tarin yawa, wanda kuma sun kunshi:

1.     Ayyukan fadada harami biyu masu daraja.

2.     Da kuma wuraren da aka ware, sannan aka gina mazaunan Mahajjata, a wuraren da suka fi muhimmanci (da ake kira mandika markaziyya), na garurrukan  Makkah da Madinatul munawwarah.

3.     Da samar da jirgin kasa a wuraren ibada masu daraja (Mina, Arfah, da Muzdalifah).

4.     Da kammala gadodi na wurin jifan shedan.

5.     Da hidimomi ta bangaren ababen daukan Mahajjata (kamar motoci), da hidimomin lafiya, da tsafta, da wasu makamantan haka, daga cikin hidimomi na wajibi ga masu hajji da umrah da masu ziyara.

6.     Da assasa ko samar da yanayin tarbar baki na zamani, wanda ke karfafa hidimomi da tsare-tsaren tattali ga ayyukan hajji da umrah.

            Kuma Mai girma ministan hajji, Dr. Bintin ya bayyana cewa, lallai manufar bunkasa Saudia mai taken shekarar 2030 ta shigar wa aikin hajji da umrah tsare-tsare na cigaba, wadanda babu irinsu a baya, ta yadda hukumar hajji ke yin aiki da sabon tsari, wanda ya ginu a kan barin tsarin nan na baya; mai yin aiki a wasu lokuta, zuwa ga aiki tukuru a tsawon shekara, da kuma aiki da takanoloji domin bunkasa ayyuka, da tabbatar da yin aikin da bai san rufa-rufa ba, da amfani da tsare-tsare don samar da ayyuka ingantattu, da aiki da ma'aunan gwada ci-gaban da ake samu, domin kara bunkasa damammaki ko kara adadinsu, da bunkasa gwanancewar ma'aikata, da kara kawo tsari ga hukumomin da suke ayyukan hajji da umrah, da irin tsare-tsaren da insha Allahu za su taimaka wajen tabbatuwan manufofin da ake son cin musu, zuwa shekarar 2030, tare da tafiya da tsarin kawo canji ga kasar gaba daya.

            Kuma lallai Mai girma ministan hajji da umrah, Dr. Muhammadu bn Salih bn Dahir Bintin ya kwadaitar da dukkanin Ma'aikatan hukumar hajji da umrah cewa su kara aiki da kwazo, domin cimma abinda hukumar Mai hidimar harami guda biyu madaukaka –حفظه الله- ta ke fatan gani.

## Labarin ya kare##