WAJABCIN HALARTAR JAM'I

WAJABCIN HALARTAR JAM'I MASALLATAI

An ruwaito daga Abdullahi dan Mas'ud -رضي الله عنه- yana cewa: "Wanda yake faranta masa, ya hadu da Allah a gobe  (kiyamah) yana Musulmi, to ya kiyaye wadannan sallolin a lokacin da ake kiransu, saboda Allah ya shar'anta wa Annabinku -صلى الله عليه وسلم- hanyoyin shiriya, kuma sallolin suna daga hanyoyin shiriya. Kuma da, za ku yi salla a cikin gidajenku, kamar yadda mai kin halartar Masallaci yake yin salla a cikin gidansa, da kun bar sunnar Annabinku, da kuma za ku bar sunnar Annabinku da kun bace. Kuma babu Mutumin da zai yi tsarki sai ya kyautata alwalarsa, sa'annan ya nufi masallaci daga cikin wadannan Masallatan, face Allah ya rubuta masa lada akan dukkan takun da ya yi, kuma ya daga darajarsa da hakan, kuma ya kankare masa mummunansa da wannan takun. Kuma hakika na ganmu (a zamanin Sahabbai), babu mai kin halartar sallar jam'i face Munafiki wanda aka sanshi da munafirci. Kuma hakika Mutum ya kasance ana zuwa da shi ana rike da shi a tsakanin Mutane biyu, har a tsayar da shi a cikin sahu", Muslim ya ruwaito shi.