HARAMCIN SAKE TUFAFI (ISBALI)

بسم الله الرحمن الرحيم

HARAMCIN SAKE TUFAFI (ISBALI)

       Dan'uwana Mai girma: Tsawaita tufafi zuwa ƙasan idon sawu biyu abu ne wanda Annabi -sallal Lahu alaihi wa sallama- ya yi hani a kansa, a cikin fadinsa: "Abinda ya zama ƙasa da idon sawu biyu na tufafi, to yana cikin Wuta", don haka, sake tufafi haramun ne, kuma Malamai sun ƙidaya shi daga cikin manyan zunubai, kuma hakan ya game riga da wando d.s. Kuma haramcin yana ƙara muni, kuma ukubar tana tsananta idan jiji-da-kai ya hadu da shi, Annabi sallal Lahu alaihi wa sallama ya ce: "Mutane uku Allah ba zai yi magana da su ba, kuma ba zai tsarkake su ba, kuma suna da azaba mai radadi", Sai Annabi ya ambaci, Mai sake tufafinsa daga cikinsu.

       Kuma ka sani, lallai dukkaninmu ma'abuta kuskure ne, kuma dogewa akan saɓo wani laifi  ne na-daban, Annabi -sallal Lahu alaihi wa sallam- ya ce: "Dukkan ƴan adam masu kuskure ne, saidai mafi alkhairin masu kuskure, sune masu yawaita tuba". 

       To, Me ya sa ba zaka maida  tufarka kamar yadda aka shar'anta ba; domin tsoron fushin Allah da ukubarsa?!

       Kuma Allah yana karɓar tuban Mutumin da ya tuba, yana gafarta wa wanda ya nemi gafararSa kuma yake mayar da al'amarinsa izuwa gare shi!

MAI MAKA ADDU'AR ALKHAIRI