USULU SALASA A TAKAICE مختصر الأصول الثلاثة

USULU SALASA A TAKAICE

بسم الله الرحمن الرحيم

   Idan aka ce maka: Menene ginshikai uku, wadanda ya zama wajibi Mutum ya sansu? Ka ce: Bawa, ya san UbangijinSa, da addininSa, da AnnabinSa; Muhammadu –S.A.W-.

[ASALI NA FARKO: SANIN UBANGIJI]:

  Idan aka ce maka: Wanene Ubangijinka? Ka ce: Ubangijina, shine Allah, wanda ya rene ni, kuma ya reni dukkan talikai da ni'imominSa, kuma shine abin bautata, bani da wani abin bauta wanda ba shi ba.

Idan aka ce maka: Da me ka san Ubangijinka? Ka ce: Da ayoyinSa da halittunSa. Ubangiji shine abin bauta. Kuma nau'ukan ibada wadanda Allah ya yi umarni da su, dukkansu ana yinsu ga Allah Ta'alah ne. Wanda ya aiwatar da wani abu na ibada ga wanin Allah shi mushriki ne kafiri.

ASALI NA FARKO: SANIN ADDININ MUSULUNCI DA DALILAI:

  Shine, Mika wuya ga Allah, da tauhidi, da jawuwa gare shi da da'a, da barranta daga shirka da ma'abutansa. Kuma martabobi uku ne, Musulunci, da Imani, da Ihsani. Kuma kowace martaba tana da rukunnai.

ASALI NA FARKO: SANIN ANNABINKU MUHAMMADU S.A.W:

   Shine annabi: Muhammadu dan Abdullahi dan Abdulmuddalib, dan Hashim. Ya rasu, yana da shekaru sittin da uku. Allah ya turo shi domin yin gargadi kan shirka, kuma domin ya yi kira zuwa ga Tauhidi. Annabi -S.A.W- ya yi wafati, Saidai addininsa mai wanzuwa ne. Wannan shine addininsa, babu wani alkhairi face ya nusar da shi ga al'umma, kuma babu wani sharri face ya tsawatar da su akansa. Allah ya aike shi da Manzanci zuwa ga mutane gaba daya, kuma ya farlanta yin da'a a gare shi, akan dukkan Aljanu da Mutane. Kuma Allah ya cika addininsa, da shi.