بناء وتوسعة المسجد النبوي الشريف

GINA MASALLACIN ANNABI MAI GIRMA

DA KUMA QARE-QAREN DA AKA YI MASA

Gina masallatai da raya su, da kuma basu kula ta musamman, na daga cikin manya-manyan aikyuka, da kuma ibadodin da aka fi kusantar Allah da su, Allah ta'alah yana cewa:

(وَطَهِّرْ بَيْتِيَ لِلطَّائِفِينَ وَالْقائِمِينَ وَالرُّكَّعِ السُّجُودِ) [الحج: 26].

Ma'ana: "Kuma ka tsarkake xakina ga masu xawafi, da masu tsayuwa da ruku'i da sujjada" [Hajj: 26].

Manzon Allah (SAW) kuma yace:

"مَنْ بَنَى مَسْجِدًا يَبْتَغِي بِهِ وَجْه اللَّه بَنَى اللَّه لَهُ بيتًا فِي الْجَنَّة".

Ma'ana: "Duk wanda ya gina wa Allah masallaci; yana neman ganin fiskar Allah da shi –da ikhlasi- to lallai Allah zai gina masa wani irin gida a aljannah". Wannan kuma yana daga cikin hadisai da suka zo ta hanyoyi masu xunbun yawa (mutawatir).

            A abinda ke tafe zamu bada tarihin masallacin annabi, da kuma qare-qaren da aka yi ta yi a lokuta mabanbanta, kamar haka:

·        Yayin da Manzon Allah (SAW) ya iso garin Madina a lokacin da yayi hijira daga garin Makka sai ya gina masallacinsa mai daraja, a lokacin girmansa kamar mita talatin (30m) ne ta nan, Ta can kuma kamar mita talatin da biyar (35m).

Sai kuma a lokacin da adadin musulmai ya qaru, masallacin kuma yayi musu qunci sai ya qara girmansa; ta yadda ya wayi gari cewa ya kai mita hamsin (50m) ta nan, da ta can, Wato ya zama kamar mita dubu biyu da xari biyar (2500) da lissafin murabba'i.

Kuma dangane da wannan sai muce Annabi (SAW) da kansa shine farkon wanda ya qara girman masallacinsa mai daraja.

·        Kuma yayin da yin qare-qare a masallaci da yalwata shi ya zama daga cikin sunnonin Annabi (SAW) da shiriyarsa, da kuma kasancewarsa cikin aiyukan da ladansu ke gwavava To sai khalifofin Annabi (SAW) da shugabanni a bayansu a zamani mabanbanta suka tsayu wajen yin wannan aiki; Shiryayyen khalifa Umar xan Alkhaxxab shima ya yalwata masallacin Annabi (SAW), Sannan sai khalifa shiryayye Usman shima ya qara faxaxa shi (Allah ya qara yarda a gare su), Sannan sai Alwalid xan Abdulmalik a daular Umawiyyawa, Sannan sai khalifa Almahdiy xan Mansur a daular Abbasiyyawa, Sannan sai sarki (sultan) Qayitbaay, Sannan sai sarki (sultan) Abdulhamid a daular Usmaniyyah, Haka faxaxawarsa ta wanzu har lokacin qare-qare mabanbanta na daular saudiyya ta farko suka zo, wanda Sarki Abdul'aziz yayi, da kuma 'ya'yansa a bayansa kamar; Sarki Sa'ud, da Sarki Faisal, Sannan sai sarki Khalid (Allah yayi musu rahama gabaxaya).

·        A yayin da aka sake samun matsananciyar buqatar a sake sabunta qarin masallacin, a kuma yalwata shi saboda qaruwar tuttuxowar baqin Allah; mahajjata da masu umrah, da kuma ziyara ya ninninku To sai sarki Fahd (Allah ya masa rahama) wanda ya samu laqabin "mai hidimtawa harami guda biyu" ya tsayu wajen samar da mafi girman qari da masallacin Annabi mai daraja ya tava samu a tarihinsa, ya kuma zo da kansa don dasa harsashin wannan aiki a watan safar na shekarar 1405 ta hijirar Manzon Allah (SAW), Bayan nan kuma; A watan Muharram na shekarar 1406h sai wannan aikin ya fara, aka kuma kammala shi tsaf, a shekarar hijira 1414h, Sai sarki Fahd ya sake dawowa don ya sanya bulo na qarshe na wannan aiki mai albarka a ranar Juma'a 04/11/ 1414h, wanda yayi daidai da 15/ 04/ 1994 na miladiyya.

A lokacin da aka zo wannan aiki, an samar da filin da shi qarin ke buqata ta fiskar tsige mulkin fiye da mita dubu xari (100,000m) a lissafin murabba'i, daga cikin filaye da gidaddajin da suke makwabtaka da masallacin annabi mai daraja, aka kuma biya waxanda suka mulke su  haqqoqinsu cikakku, sai kuma aka shigar da su cikin filin masallaci ko harabarsa.

Shi wannan qari da aka jingina da tsohon masallaci an yi shi ne a filin da girmansa ya kai mita dubu tamanin da biyu (82,000) da lissafin murabba'i, wanda hakan ya sanya sabon qarin ya ninninka filin daxaxxen masallacin har sau biyar, ta yadda jimillarsu gabaxaya ya zama ya kai mita dubu casa'in da takwas da xari biyar (98,500m) da lissafin murabba'i. shi kuma yawan waxanda a da can suke sallah a cikin kwaryar masallacin ya qaru daga mutane dubu ashirin da takwas zuwa abinda yayi kusa da masallata dubu xari biyu da hamsin, dukkansu suna sallah a cikin kwaryar masallacin, da kuma saman masallacin, bayan an tanade shi don haka, da shumfuxe shi da tayils xin bulo mai sanyi. Shi kuma faxin saman ya kai mita dubu sittin da bakwai (67,000m) na lissafin murabba'i. Sai dai kuma idan dukkanin harabar da take kewaye da masallacin ta cika, aka samu qaruwar mahajjata da masu sallah da masu ziyara To a nan masallacin da dukkanin farfajiyarsa a lokacin cunkoso ya kan xauki yawan kimanin masallata miliyan xaya.

Wannan qarin da aka yi mai girma wa masallacin annabi mai daraja ya ginu ne akan filoli guda dubu biyu da xari xaya da saba'in da huxu (2174) waxanda aka qawata su gabaxayansu da ………..

(Zamu qarisa)

·        A zamanin sarki Abdullahi ………….