SIFFAR WANKA WA MAMACI

TAMBAYA:

Yaya siffar wankan gawa ta ke?

AMSA:

Siffar wankan gawa:

Ita ce/ Mutanen zasu xora gawar da za su wanke ta akan gadon yin wankan, sa'annan sai su suturce mata al'aura, kana su tove mata tufafi, suna masu voye al'aurar nasa/nata ga idanu; a cikin xaki ne ko a makamancin haka.

Sa'annan sai su xaga kan mataccen har zuwa kusa da yanayin zama, daga nan sai mai yin wankan ya biyar da hannunsa ta kan cikin mamacin yana matsa cikin a hankali a hankali, sai ya tsaftace masa mafitar fitsari da kashi, ya kuma yi masa tsarki; ta hanyar wanke abinda ke jikin mafitan guda biyu; na najasa; bayan ya xaure hannunsa da tsumma.

Sa'annan sai ya yi niyyar yi masa wanka, ya yi bismillah, ya masa alwala; irinta mai sallah, in banda kurkuran baki da kuma shaqa masa ruwa a hanci; waxanda shafa akan bakin da kuma hancin na iya isarwa.

Sa'annan sai ya wanke masa kansa da gemunsa da ruwa da kuma gaba-ruwa, ko kuma sabulu, ko wanin haka.

Sa'annan sai ya wanke masa vangaren dama na jikinsa.

Sa'annan kuma sai vangaren hagu.

Daga nan sai ya kammala wanke masa sauran jikinsa.

Mustahabbi ne mai yin wankan ya naxa wata tsumma a hannunsa a lokacin da ya ke yi masa wankan.

Abu na wajibi shine wankewa mamaci kowace gava sau xaya, matuqar dai gavar ta wanku sumul. Kuma an so (mustahabbi ne) koda ta wankun ya qara wanketa har sau uku.

Kamar yadda kuma mustahabbi ne ya sanya ''kafur'' a wanka na qarshe.

Sa'annan ya tsantsamar da jikin mataccen.

Tare kuma da gusar masa da dukkan abubuwan da aka shar'anta gusar da su; na faratu da gashi.

Mace kuma a yi mata yawo a gashin kanta, sa'annan a jefa su ta bayanta.

Idan har wanka wa mamaci bai yiwu ba saboda rashin ruwa, ko kuma sashin jikinsa akwai qunar wuta ko makamancin haka to a nan za a yi masa taimama ne da qasa.

Kuma mustahabbi ne ga wanda ya yi wanka wa mamaci shima ya yi wanka.   WALLAHU A'ALAM!