SALLAR IDI (صلاة العيد)

SALLAR IDI

(صلاة العيد)

Tarjamar

Abubakar Hamza

Daga muhimman MANUFOFIN SHARI'A a cikin Musulunci, Akwai HADUWAR ZUKATA, DA SOYAYYA DA 'YAN'UWANTAKA, kuma domin haka ne Allah ya shar'anta haduwar Mutane a cikin ibadodi dayawa, Kuma daga cikinsu akwai SALLAR IDI; Domin Annabi –sallal Lahu alaihi wa sallama- ya kasance yana umartar Mutane gaba dayansu da fita zuwa gare ta, har ya umarci mata masu haila yana mai cewa:  

"يشهدن الخير ودعوة المسلمين".

Ma'ana: "Domin su halarci alheri, da addu'ar Musulmai".

Kuma MUSTAHABBI ne ayi wanka da ado,

Mustahabbancin yin itikafi na kara karfi a watan Ramadhana, musamman kuma a goman karshen watan, domin Manzon Allah –sallal Lahu alaihi wa sallama- ya kasance "yana yin itikafin kwanaki goman karshen watan Ramadhana, har Allah ya masa wafati", Bukhariy da Muslim suka ruwaito shi.

Kuma ga maganar da tafi inganci, babu gwargwadon lokaci iyakantacce ga mafi karancin kwanaki ko lokacin yin itikafi, don haka yana inganta ayi itikafi koda na dan wani lokaci ne kankani.

Kuma ana shardantawa, gabanin itikafi ya inganta ya kasance a cikin Masallaci, saboda fadinSa Madaukaki:

"ولا تباشروهن وأنتم عاكفون في المساجد" [البقرة: 187].

Ma'ana: "Kuma kada ku rungume su alhali kuna masu itikafi a cikin Masallatai", [Bakara: 187].

Kuma sharadi ne gabanin itikafi ya inganta, mai itikafin ya kasance tsarkakakke daga abinda ke wajabta wanka, kamar janaba da haila.

Kuma wajibi ne akan Mace ta nemi izinin Mijinta.

Kuma mai itikafi bashi da daman neman abinci da yin wata sana'a, ko kuma saye da sayarwa, sai dai idan da bukata.

Kuma baya halatta a gare shi ya fita daga Masallaci, sai dai idan da uzuri, koda kuwa zai fita ne saboda ziyartar maras lafiya, ko rakiyar gawa.

Kuma yana halatta a gare shi, mai itikafi ya fita, ga abinda babu makawa akansa, kamar biyan bukata, da halarto da abinci da makamancinsa.

Kuma yana halatta a gare shi, mai itikafi ya yi wankan tsafta ko wanke kansa, ko taje shi,

"Uwar muminai A'ishah –Allah ya kara yarda a gare ta- ta ce: Annabi –sallal Lahu alaihi wa sallama- idan ya shiga itikafi, yana kusanto mini da kansa, domin na taje masa. Kuma ya kasance baya shigowa gida, sai domin bukatar 'dan-Adam (shiga makewayi)", Muslim ya ruwaito [1297].

        'Da'arka ga Allah ita ce shukar da zaka girbe a lahira, sai ka yi kwadayin wannan shukar ta kubuta daga abinda zai tauye ta, da kuma kura-kurai, Allah Ta'alah yana cewa:

"تلك حدود الله فلا تقربوها كذلك يبين الله آياته للناس لعلهم يتقون" [البقرة: 187].

Ma'ana: "Wadancan iyakoki ne na Allah, don haka kada ku kusance su, kamar haka ne Allah ke bayyana ayoyinSa ga Mutane, la'alla ko za su samu takawa" [Bakara: 187].