FARIN CIKIN IDI (فرحة العيد)

FARIN CIKIN IDI

(فرحة العيد)

Tarjamar

Abubakar Hamza

Lallai yana daga misalan RAHAMAR ALLAH MADAUKAKI cikin shari'arSa da tausasawarSa ga bayinSa; yadda Allah ya shar'anta musu, bayan lokatan biyayya na musamman, ya shar'anta musu wasu kwanaki domin watayawa da farin ciki da kuma yalwatawa; saboda an ruwaito daga Anas –رضي الله عنه- ya ce:

 "قدم رسول الله صلى الله عليه وسلم المدينة، ولهم يومان يلعبون فيهما فقال: ما هذان اليومان؟ قالوا: كنا نلعب فيهما في الجاهلية، فقال رسول الله صلى الله عليه وسلم: إنّ الله قد أبدلكم بهما خيرًا منهما، يوم الأضحى ويوم الفطر"، أخرجه أبو داود والنسائي وصححه الألباني.

Ma'ana: "Manzon allah –sallal Lahu alaihi wa sallama- ya iso garin Madina, alhalin mutanen garin suna da wasu kwanaki biyu, wadanda suke yin wasa a cikinsu, sai ya ce: Menene wadannan yinin biyu? Sai suka ce: Mun kasance a zamanin Jahiliyya muna yin wasa a cikinsu, Sai Manzon Allah –صلى الله عليه وسلم- ya ce: Lallai Allah ya muku canjin kwanaki biyu wadanda suka fi su alkhairi; wato ranar idin layya, da idin azumi", Abu-dawud da Nasa'iy suka ruwaito shi, kuma Albaniy ya inganta shi.

Don haka, Yana daga cikin muhimman AYYUKAN RANAR IDI DA LADUBANSA; Kokarin shigar da farin ciki da annashuwa ga rai, da iyalai, da makusanta, da sauran Musulmai; A'isha –Allah ya kara yarda a gare ta- alhalin tana sifanta wani yini daga cikin kwanakin idi, a lokacin rayuwar Manzon Allah –sallal Lahu alaihi wa sallama-:

"وكان يوم عيد يلعب السودان بالدرق والحراب، فإما سألت النبي صلى الله عليه وسلم، وإما قال: تشتهين تنظرين؟ فقلت: نعم فأقامني وراءه خدي على خده وهو يقول: دونكم يا بني أرفدة" متفق عليه.

Ma'ana: "Kuma ranar idi bakaken mutane sun kasance suna yin wasa da silken fata, da kayan harbi, ko dai na tambayi Annabi –sallal Lahu alaihi wa sallama-, ko kuma ya ce: Kina sha'awar ki ga ni ne? sai na ce: E, to sai ya tsayar da ni ta bayansa; har kumatuna yana taba kumatunsa, alhalin yana cewa: KU CIGABA DA WANNAN WASAN YA KU HABASHAWA!", Bukhariy  da Muslim.

Kuma Sahabbai sun kasance idan suka hadu a lokacin idi, sashen ya kan ce ga sashe:

تقبل الله منا ومنك

Ma'ana: Allah ya karba mana (ayyuka), kai ma ya karba maka.

Kuma an shar'anta yin kabbarori, tun bayan faduwar ranar daren idi, har zuwa lokacin da za a yi sallar idi,

"ولتكملوا العدة ولتكبروا الله على ما هداكم ولعلكم تشكرون" [البقرة: 185].

"Kuma domin ku cika kidaya, kuma domin ku yi kabbarori ga Allah, akan abinda ya yi na shiryar da ku, kuma la'alla za ku yi godiya", [Bakara: 185].

Sifar kabbarorin kuma shine

ALLAHU AKBAR

ALLAHU AKBAR

LA ILAHA ILLAL LAHU

ALLAHU AKBAR

ALLAHU AKBAR

WA LILLAHIL HAMDU