SHIN KA SAN? (هل تعلم؟)

SHIN KA SAN?

(هل تعلم؟)

TANADAR

MUHAMMADU AL'ANSAARIY

www.wesalhaq.tv

TARJAMAR

ABUBAKAR HAMZA
بسم الله الرحمن الرحيم

            Godiya ta tabbata ga Allah; Ubangijin talikai, Mai rahama Mai jin qai, Salati da sallama su qara tabbata ga shuganmu Manzon Allah, da iyalansa, da sahabbansa, da wanda ya jivinci lamarinsa.

Bayan haka:

'Yan'uwa, a cikin imani!

ASSALAMU ALAIKUM WA RAHMATU ALLAHI WA BARAKATUHU.

1-  SHIN KA SAN? Don wani abu ne, Allah ya halitta Mutum da Aljani?!

"Kuma ban halitta Aljani da Mutum ba face don su kaxaita ni cikin bauta" [Az-zariyaat: 56].

2-  SHIN KA SAN? Don me, Allah ya tayar da Manzanni?!

"Kuma haqiqa a cikin kowace al'umma mun tayar da wani Manzo, don ku bauta wa Allah, kuma ku nisanci Xagutu" [Nahl: 36].

3-  SHIN KA SAN? Abu mafi muhimmanci, wanda Allah ya haramta shi ga bayinSa?!

"Ka ce: Ku zo, in karanta abinda Ubangijinku ya haramta, Wajibi ne a kanku, kada ku haxa shi da komai" [An'am: 151].

4-  SHIN KA SAN?  Zaluncin da yafi tsanani?!

"Lallai shirka zalunci ne mai girma" [Luqman: 13].

5-  SHIN KA SAN? Shirka tana lalata kyawawan aiyuka?!

"Kuma lallai ne haqiqa an yi wahayi zuwa gare ka, da kuma zuwa ga waxanda su ke a gabaninka, Lallai idan ka yi shirka aiyukanka za su vaci, kuma lallai za ka kasance daga masu hasara" [Az-zumar: 65].

6-  SHIN KA SAN? Cewa lallai Mushirkai sun riqi gumaka daga waliyyansu, wai domin su kusantar da su izuwa ga Allah (mabuwayi da xaukaka)?!

"Waxannan da suka riqi waxansu majivinta ba Shi ba, (suna cewa): Ba mu bauta musu ba face domin su kusantar da mu zuwa ga Allah kusantarwar daraja" [Az-zumar: 3 ].

7-  SHIN KA SAN? Lallai rayuwarmu babu makawa dole ta kasance don Allah (mabuwayi da xaukaka), kuma baya halatta mu haxa shi da komai?!

"Lallai ne sallata da yankana da rayuwata da mutuwata na Allah ne Ubangijin talikai * Babu abokin tarayya a gare shi. Kuma da wancan aka umurce ni, kuma ni ne farkon Musulmai; masu sallamawa" [An'aam: 162-163].

8-  SHIN KA SAN? Lallai sallar da muke yi da layyarmu babu makawa dole su kasance don Allah ne (mabuwayi da xaukaka)?!

"Sai ka yi sallah domin Ubangijinka, kuma ka soke (raqumi dominSa)" [Kausar: 2].

9-  SHIN KA SAN? Lallai wata halitta bata mallakar amfanar da mu, ko cutar da mu, idan ba Allah (mabuwayi da xaukaka) ba?!

"Kuma kada ka kirayi baicin Allah, abin da ba ya amfanarka, kuma baya cutar da kai. idan ka aikata haka, to lallai ne kai kana cikin azzalumai * Kuma idan Allah ya shafe ka da wata cuta babu mai yaye ta face Shi, kuma idan ya nufe ka da wani alheri to, babu mai mayar da falalarSa. Saboda yana samun wanda yake so daga cikin bayinSa da shi, Kuma shine Mai gafara Mai jin qai" [Yunus:  106-107].

10-        SHIN KA SAN? Wanda yafi dukkan Mutane vata?           

"Kuma wanene mafi vata fiye da wanda ke kiran wanin Allah wanda ba zai amsa masa ba, har ranar qiyama. Alhalin su gafalallu ne dangane da kiransu da ake yi" [Ahqaaf: 5].

11-        SHIN KA SAN? Babu wani da yake da ikon ya taimaki mabuqaci face Allah mabuwayi da xaukaka?!

"Ko kuma, Wanene yake amsawa mai buqata idan ya roqe shi, kuma ya sanya ku masu mayewa a bayan qasa? Shin akwai wani abin bautawa tare da Allah? Kaxan ne kwarai ku ke yi tunani" [Naml: 62 ].

12-        SHIN KA SAN? Dukkan ababen halitta basa mallakar komai daga lamarinka, kuma lamarin gabaxayansa na Allah ne (mabuwayi da xaukaka)?!

"Kuma waxanda kuke roqa WaninSa ba sa mallakar ko fatar jikin dabino * idan kuka roqe su ba za su ji roqonku ba, kuma ko sun jiya, ba za su amsa muku ba, Kuma a ranar qiyama za su kafirce wa shirkarku. Kuma babu mai baka labari kamar wanda ya sani" [Faxir: 13-14].

13-        SHIN KA SAN? Cewa lallai wani wanda ba Allah ba, baya mallakar daidai da kwayar zarrah? !

"Ka ce: Ku roqi waxanda kuke riyawa baicin Allah, basa mallakar daidai da kwayar zarrah, a cikin sammai, da a cikin qassai, kuma ba shi da wani abokin tarayya a cikinsu (sammai da qassai), kuma bashi da wani mai taimako" [Saba'i: 22].

14-        SHIN KA SAN? Cewa Waxanda Mutane suke neman taimakonsu, suna gajiyawa kan kowani abu, hatta kore quda ga kayukansu? !

"Ya ku Mutane! An buga wani misali sai ku saurara zuwa gare shi, Lallai ne waxanda kuke roqa baicin Allah, ba za su halitta quda ba, koda sun taru gare shi, kuma idan quda ya qwace musu wani abu ba za su iya kuvutar da shi ba daga gare shi. Da Mai nema da abun neman sun raunana" [Hajj: 74].

15-        SHIN KA SAN? Cewa babu wani abin da ke aukuwa a gare mu, ko ga wassunmu, sai da qaddarar Allah mabuwayi da xaukaka? !

"Inda duk kuka kasance, mutuwa za ta riske ku, kuma ko da kun kasance ne a cikin ganuwowi ingantattu! Kuma idan wani alheri ya same su sai su ce: Wannan daga wurin Allah ne, kuma idan wata cuta ta same su sai su ce: Wannan daga gare ka ne, Ka ce: Dukkansu daga Allah ne, To me ya sami waxannan mutane, ba sa kusantar fahimtar magana?" [Nisa'i: 78].

16-        SHIN KA SAN? Cewa wanda ya yi shirka wa Allah ba zai tava shiga aljanna ba har abada? !

"Lallai ne lamarin shine, duk wanda ya yi shirka da Allah, to, lallai ne Allah ya haramta masa aljanna, kuma makomarsa ita ce wuta, kuma babu wasu mataimaka ga azzalumai" [Ma'idah: 72].

17-        SHIN KA SAN? Cewa lallai su Mushirkai za a haramta musu ni'imar gani ko dubi zuwa ga Allah mabuwayi da xaukaka, ranar qiyamah? !

"Saboda haka wanda ya kasance yana fatan haxuwa da Ubangijinsa, to, sai ya yi aiki na qwarai, kuma kada ya haxa kowa cikin bautar UbangijinSa" [Kahf: 110].

18-        SHIN KA SAN? Cewa wajibi ne akan mumini bayan son Allah da manzonSa ya so masoya Allah, ya kuma qi maqiya Allah? !

"Lallai ne abin koyi mai kyau ya kasance a gare ku game da Ibrahima da waxanda ke tare da shi a lokacin da suka ce wa mutanensu, Lallai mu babu ruwanmu da ku, da kuma abinda kuke bautawa baicin Allah, mun fita batunku, kuma qiyayya da jiyewa juna sun bayyana a tsakaninmu, sai kun yi imani da Allah shi kaxai" [Mummtahana: 4].

19-        SHIN KA SAN? Cewa lallai Allah mabuwayi da xaukaka ya hana mumini son kafirai? !

"Ya waxanda suka yi imani kada ku riqi Yahudu da Nasara majivinta, Sashinsu majivinci ne ga sashi, Kuma wanda ya jivince su daga gare ku, to lallai ne shi yana daga gare su, Lallai Allah ba ya shiryar da mutane azzalumai" [Ma'idah: 51].

20-        SHIN KA SAN? Cewa lallai Allah mabuwayi da xaukaka ya haramta wa muminai yin sihiri? !

"Kuma (annabi) Sulaimanu bai yi kafirci (sihiri) ba, Saidai shexanun sune suka yi kafirci, suna karantar da mutane sihiri" [Baqarah: 102].

"Kuma lallai ne masihirta basa cin nasara" [Yunus: 77].

"Kuma mai sihiri ba ya cin nasara, a duk inda ya je" [Xaha: 69].

Qarshen addu'armu itace faxin:

ALHAMDU LILLAHI RABBIL ALAMINA.

Allah ya yi daxin salati ga shugabanmu kuma masoyinmu; Muhammadu, da iylanSa da sahabbanSa, kuma ya yi qarin sallama a gare shi.