MA'AIKATAR BUGA ALKUR'ANI MAI GIRMA TA SARKI FAHAD, A MADINAR ANNABI (s.a.w) (مجمع الملك فهد لطباعة المصحف الشريف بالمدينة النبوية)

MA'AIKATAR BUGA ALQUR'ANI MAI GIRMA

TA SARKI FAHAD, A MADINAR ANNABI (s.a.w)

(مجمع الملك فهد لطباعة المصحف الشريف بالمدينة النبوية)

  

TARJAMAR

ABUBAKAR HAMZA
بسم الله الرحمن الرحيم

Alqur'ani (littafi abin karantawa)

Mafi girman littafin da Allah ta'alah ya saukar da shi, cikamakon littatafan da suka sauka daga sama, littafi gagara koyo (mu'ujiza) madawwamiya ga wannan al'ummar, wanda Allah mabuwayi da xaukaka ya xauki nauyin kiyaye shi da bashi kariya. Wannan littafin duk wanda ya karanta shi (ko ya haddace shi) to lallai Allah zai xaukaka darajojinsa, kuma duk wanda ya karanta wannana maganar to ga kowani harafi da ya karanta yana da kyakyawa "lada", ita kuma ladan za a ninninkata da kwatankwacinta guda goma.

Manzon Allah (صلى الله عليه وسلم) a zamaninsa ya yi kwaxayin kada Mutane su riqa rubuta komai face alqur'ani (shi kaxai), kuma ya kasance yana karantar da su yadda ake karanta alqur'ani karantawa, kuma sun kasance suna sauraro, kuma ya sanya wassu daga cikin Sahabbai suka zama masu karantar da alqur'ani, mahaddata, ta yadda Mutane ke komawa i zuwa gare su; idan suka yi mantuwa, ko suka yi kuskure. Kuma da irin haka aka kiyaye littafin Allah mabuwayi da xaukaka.

Yayin da ya kasance Alq1ur'ani yana da irin wannan muhimmanci da matsayi, Sai ya zama aikin buga shi, da kuma kula da rubuta shi da zana shi ya kasance yana da matsayi mai girma a wajen musulmai; tun rasuwar Manzon Allah har zuwa yau, tun zamanin Abubakar; yayin da ya yi aikin tattara Alqur'ani a cikin takardun Mus-haf, kuma tun lokacin Usman; yayin da ya sake aikin tara shi. Sa'annan waxanda suka zo a bayansa; kamar zamanin daular Umawiyyawa da Abbasiyyawa, da wassunsu, dukkaninsu sun kasance suna bada muhimmanci mai girma ga littafin Allah (mabuwayi da xaukaka), kuma sun kasance suna rigaggeniya wajen buga shi, da yaxa shi.

Bayan haka;

Sai muka zo wannan zamanin, wanda muka samu wani mataki; wanda shima za a xauka yana daga cikin matakai masu muhimmanci a tarihance, wajen bada kulawa ga littafin Allah (mabuwayi da xaukaka).

(A yanzu) Za mu tafi mu yi ziyarar WATA MA'AIKATA, wanda aka assasa ta gabanin gomman shekaru, Wato a zamanin Sarki Fahad (Allah ya yi masa rahama), wanda aka assasa wannan MA'AIKATAR sukutum don ta kevanta da bada kula ga littafin Allah (mabuwayi da xaukaka); ta fiskar zana shi, da buga shi, da kuma aikin raba shi ga duniya gabaxaya.

Wannan ita ce ma'aikatar da ta xauki nauyin buga littafin Allah maxaukaki.

Kuma dai, akwai wassu ma'aikatun buga littafin Allah (Alqur'ani), a qasashe ko birane masu yawa, saidai wannan (ma'aikatar) tana daga cikin waxanda suka fi yin fice; Don haka ne, za mu xauke ku, mu kewaya da ku cikin wannan ma'aikatar, domin mu gane wa idonmu yadda Musulmai suka bada muhimmanci ga littafin Allah (mabuwayi da xaukaka).

Tambaya: Mun san cewa, wannan ma'aikatar tana aikin buga littafin Allah (Alqur'ani), Saidai ina zaton buga Alqur'ani yana bin matakai dayawa gabanin ya fito, don haka, Ya kai shehinmu! Muna so mu san irin gudumawar da kuke bayarwa, wajen buga wannan alqur'anin?

Amsa

(Daga Bakin: Aliyu xan Abdurrahman Alhuzaifiy, Limami, kuma mai huxuba a Masallacin Manzon Allah –S.A.W- kana shugaban komitin bitar Alqur'ani):

Lallai aikin buga Alqur'ani mai karimci aiki ne mai girma, kuma aiki ne da yake cikin aiyuka masu tsananin wahala, ba wai saboda wahalarsa ba, A'a, Saidai don a samu, Alqur'ani ya kuvuta daga kowani irin kuskure, saboda yin kuskure  a cikin rubuta alqur'ani –koda kuwa ba a yi gangancin sa ba-, ba daidai ya ke da yin kuskure a wani littafin na daban; wanda ba alqur'ani ba. Su kuma matakan mabanbanta waxanda lajanar ilimi ta ke bin su, a lokacin bitar Mus-haf xin Maxina, a farkon aikin ne, da kuma qarshensa; Na farkon  shine:

A lokacin da Mai zana ko kuma rubuta Mus-hafi ya rubuta shi ba tare da ya yi wasalinsa ko sanya masa xigo ba; Sai wannan komitin ta yi bitarsa, a cikin wannan halin, har su samu tabbacin cewa lallai abinda aka rubuta na Alqur'ani; babu ragi, babu wani abu (na qari).

Mataki kuma na qarshe, shine: Ba za a yi izini, ko a rubuta rubutun xaukar matakin cewa: Wannan mus-haf xin za a iya buga shi, ko a yaxa shi ba, har sai ya bi mataki na "TAHAJJIY"; Shi kuma wannan matakin –Muna gode wa Allah- komitin ilimi ne suka qirqiro shi, don yin bitar "Mus-hafin Madina", Kuma wannan mataki ne wanda akwai tabbaci a cikinsa, saboda ya zama ba a samu wani kuskure ba cikin rubuta "Mus-haf" da falalar Allah mabuwayi da xaukaka. Misalin wannan matakin shine: Ayar:

"Bismillahir rahmanir rahim", Sai a karanta ta da cewa:

Harafin "Ba" qarqashinsa akwai "kasrah", Shi kuma "Siyn" a samansa akwai "Sukun", "Miymun" kuma a qarqashinsa akwai "kasrah". … To, haka za a bi, dukkan alqur'ani.

            Wato: Ya Sheikh! Haka za a yi ta yi, "harafi" bayan "harafi"?

            E,  Haka za a yi ta yi, "harafi" bayan "harafi" har sai "Mus-hafin" ya qare, da wannan hanyar, daga farkonsa har zuwa qarshensa. To daga nan ne, sai a bada izinin a buga ko a yaxa wannan "Mus-hafin".

            A yau muna tare da Baqonmu mai karamci, kuma xan'uwa mai matsayi, wato: Sheikh Usman Xaha, wanda kuma shine ya rubuta da hannunsa –Allah ya yi mata albarka- ko ya zana, wannan "Mus-hafin" da a yau a cikin duniya Miliyoyin xarurruka suka yi haddar alqur'ani ko suke yi da shi. Muna miqa gaisuwarmu, Sheikh Xaha!

            Allah yayi maka albarka!

            Ya Sheik, Ko za ka taimaka ka yi mana magana ko bayani, kan "Wannan Mus-haf" wanda ka rubuta Shi da rubutun hannunka?

            Kowani Musulmi mai yin rubutu da hannunsa (wato: Khaxxax) idan har ya koyi wannan aiki (na gwanancewa cikin rubutu da zane), zaka samu yana mafarkin ya ga ya rubata "Mus-hafi maxaukaki", To, Nima, (tun ina yaro) na yi ta qoqarin na gwanance a wannin fanni na zane, mai kyau, domin daga baya (a cikin rayuwata) na rubata "Mus-hafi maxaukaki", Kuma lallai na yi ta bitar hanyoyin da malaman zane suke bi wajen rubuta "Mus-hafai", Daga nan sai nima na qirqiro, wata hanya wacce ta kevanci mai zane; Usman Xaha, a wannan fannin. Yanzu haka, zanena ya shahara, kuma ya yi fice, ya kuma banbanta da sauran, wajen kyautata rubuta "kalmah" da "harafi", da kuma alaqar "wasali" da harafin da yake biye da ita. To daga qarshe sai na zo, qasar masarautar larabawa ta Saudiya, kuma sai aka qaddara min matsayin mai zana alqur'ani da rubuta shi a ma'aikatar Sarki Fahad na buga "Mus-haf maxaukaki" –Allah ya yi masa rahama-.