FALALAN AZUMTAR GOMA GA WATAN MUHARRAM wato YININ ASHURA (فضل صيام يوم 10 محرم العاشوراء)

FALALAN AZUMTAR GOMA GA WATAN MUHARRAM (YININ ASHURA)

فضل صيام 10 محرم –يوم عاشوراء-

TARJAMAR

ABUBAKAR HAMZA

بسم الله الرحمن الرحيم

YININ ASHURA

Shi ne yinin da a cikinsa Allah ya tseratar da annabi Musa (عليه السلام) da mutanensa, ya kuma dulmuyar da Fir'auna da rundunarsa.

Kuma haqiqa Manzon Allah (صلى الله عليه وسلم) ya azumci wannan yinin; domin nuna soyayya da kuma 'yan'uwantaka ga annabi Musa, da kuma godiya ga Allah (تعالى) a kan yaye musiba, da kuma nasarar da ya bayar.

Kuma haqiqa ya zo cikin hadisinsa mai girma, cewa:

«صِيَامُ يَوْمِ عَاشُورَاءَ، أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ»

Ma'ana:  "Azumtar yinin Ashura, ina kyautata zato wa Allah cewa; zai kankare zunubin shekarar da ta gabace shi".

Kamar yadda mustahabbi ne a azumci yinin tara (9) tare da yinin goman (10), domin savawa Yahudawa da Nasara.

Abun qi ne, a wannan yinin: Abinda wasu 'yan bidi'a su ke aikatawa, na riqon ranar Ashura a matsayin lokacin bikin nuna baqin ciki, da shewa, da kuma azabtar da kayukansu, ta hanyar marin kai, da sassara jiki (taxbir),  saboda an kashe Husain bn Aliyu; domin nuna vacin ranmu akan kashe Husain (رضي الله عنه) zai kasance ne ta hanyar

                 YIN HAQURI KAN WANNAN MUSIBAR

                 DA KUMA NEMAN LADA

TARE DA YARDA DA ABINDA ALLAH YA HUKUNTA

Ba wai da irin waxannan aiyukan ba.

Ashura yana sake tayar da fata a cikin zukata,  kuma yinin ya kan qarfafa rai, kan kusantowar nasara, ko yaye baqin ciki, da kuma jin cewa Allah zai tsamar da masoyansa da bayinsa muminai, ya kuma halaka azzalumai, koda bayan wani lokaci ne. kamar yadda ya tseratar da annabi Musa (عليه السلام), kuma ya dulmuyar da Fir'auna.