HUDUBAR MASALLACIN ANNABI saw Juma a 26 zulhijjah 1436h ta Assubaitiy

HUXUBAR MASALLACIN ANNABI (r)

JUMA'A, 26/ZULHIJJAH/1436H

LIMAMI MAI HUXUBA

SHEHIN MALAMI ABDULBARIY XAN AWWADH AS-SUBAITIY

TARJAMAR

ABUBAKAR HAMZA
بسم الله الرحمن الرحيم

Godiya ta tabbata ga Allah  wanda ya shiryar da bayinSa, ya kuma kiyaye su daga kaidi da makirci,  Ina gode masa, tsarki ya tabbata a gare shi, kuma ina yaba masa akan wadaci da talauci,    Kuma ina shaidawa babu abin bautawa da gaskiya sai Allah; shi kaxai ya ke bashi da abokin tarayya, halitta tasa ce, kuma umurni nasa ne.      Kuma ina shaidawa lallai shugabanmu kuma annabinmu Muhammadu bawanSa ne kuma manzonsa;  ya nuna wa al'ummarsa hanyar xaukaka da cin nasara.    Allah ya yi qarin salati a gare shi, da iyalansa da sahabbansa, duk lokacin da dare yayi duhu, ko kuma alfijir ya keto.

Bayan haka:

Ina yin wasiyya a gare ku, da ni kaina da bin dokokin Allah,     Allah yana cewa:

"Ya ku waxanda suka yi imani ku kiyaye dokokin Allah, iyakar kiyayewa, kuma kada ku mutu face kuna musulmai" [Aali-imraan: 102].

            Allah (تبارك وتعالى) ya halicci babanmu annabi Adamu (u),     Amma sai Shexan ya tsayu wajen yin gaba da shi, da kuma kulla makirce-makirce a gare shi don neman ya vatar da shi, 

Suma kuma sauran annabawa anyi musu nau'ukan makirce-makirce da makida, kuma an quqqulla zamammakin shawari don cutar da su,    

Annabi Yusufu (u) 'yan'uwansa na jini sun qulla makirci a gare shi,  amma sai yayi haquri kan cutarwarsu, kuma Allah (تعالى) yayi magana kan qarshen lamarinsa a inda yake cewa:

"Lallai yadda lamarin yake,    Duk wanda ya bi dokoki (taqawa), kuma yayi haquri To lallai Allah baya tozarta ladan masu kyautatawa" [Yusuf: 90].

Shi kuma annabi Ibrahimu (u) an tara itatuwa, an kunna wuta; don a qona shi, sannan aka jefa shi a cikinta,    Amma sai ta zama sanyi da aminci;   makircinsu kuma ya lalace,    kamar yadda Allah (تعالى) yake cewa:

"Kuma sun yi nufin makidar halaka shi,  Sai muka sanya su suka zamto sune maqasqanta" [Saafaat: 98].

Annabi Isah (u): Mutanensa sun yi masa makida, sun kuma quqqula makircin kashe shi, da tsire shi,    Amma sai Allah (تعالى) ya tseratar da shi daga sharrinsu.

Sun yi makida da qulle-qulle wa annabi Musa (u) har Allah (تعالى) yake cewa:

"Lallai abinda suka aikata kaidi ne na mai sihiri, Kuma mai sihiri baya rabauta a duk inda ya zo" [Xaha: 69].

Kuma rundunar da Abraha ya zo da ita, sun yi makidar rushe xakin ka'abah,   Sai Allah ya lalata makircinsu, "Ashe bai sanya kaidinsu cikin vata ba?   Sai ya turo musu da tsuntsaye jama'a-jama'a  *   Suna jifarsu da wasu duwatsu na yunvun wuta    *    Sai ya sanya su kamar karmamin wanda aka cinye" [Fiil: 2-5].

Maqiya sun gama tattara lamarinsu,     suka yi makirci wa Manzon Allah (صلى الله عليه وسلم),     Amma sai makircinsu ya tafi zuwa ga: GUSHEWA,    Allah (تعالى) yana cewa:

"Kuma suna yin makirci,    Allah shima yana yin makirci,     Allah kuma shine mafi alherin masu makirci" [Anfaal: 30].

KUMA YANA DAGA CIKIN SIFOFIN MA'ABOTA MAKIRCI:

Qin cika alkawari da ha'intarsu:

A lokacin yaqin da ake kira: BI'IRU MA'UNA, An kashe mutane saba'in daga cikin maxaukakan sahabbai (ta hanyar cin amana).    Allah (تعالى) yana cewa:

"Ya ku waxanda suka yi imani kada ku ha'inci Allah, da Manzo,    Sai ku ha'inci amanoninku alhalin kuna sane" [Anfaal:  27].

Kuma Manzon Allah (صلىى الله عليه وسلم) ya kasance yana neman Allah ya tsare shi daga yin ha'inci;      Sai yace:

"Kuma ina neman tsarinka daga yin ha'inci;    kasancewarsa mummunan abin voyewa".

            Kuma lallai munafiqai sun kasance Sune tushen mafi girman makircin da Manzon Allah (صلى الله عليه وسلم) ya sha fama da shi,     wannan kuma saboda MATSAYARSU ta kan canzu tayi launi-launi, HALAYENSU kuma su kan rikixe su riqa canzawa,    Allah (تعالى) yana faxa dangane da munafiqai:

"Kuma idan suka haxu da waxanda suka yi Imani sai su ce: Mun yi imani,    Idan kuma suka kevanta zuwa ga shexanunsu sai su ce: Lallai mu muna tare da ku,    abin sani kawai, mu muna yin izgilanci ne" [Baqarah: 14].     Ya sake faxa akansu:

"Ashe basu sani ba ne, lallai Allah yana sanin abinda suke asirtawa, da abinda suke bayyanarwa" [Baqarah: 77].

Ma'ana: Ashe ba su sani ba ne, cewa lallai Allah yana sanin dukkan abinda suke voyewa na makirci da kafirci,      da kuma abinda suke bayyanarwa na imani, da soyayya.

KUMA YANA DAGA CIKIN SIFOFIN MA'ABOTA MAKIRCI:

Bayyana a lokacin da aka shiga jarrabawa da ibtila'i, ko aukuwar wassu lamura masu girma,   da yin farin ciki idan musiba ta aukawa musulmai,   Idan kuma nasara ta samu musulmai ko yin rinjaye, da yalwar arziqi to sai su ji qunci da baqin ciki da vacin rai,      Idan kuma musiba ce ta sauka wa musulmai, ko kuma bala'i ya auka a gare su to sai maqiya su yi ta annashawar farin ciki, da nuna girman kai,    Allah (تعالى) yana cewa:

"Idan kyakkyawan abu ya shafe ku sai ya baqanta musu,     Idan kuma mummuna ne ya shafe ku sai su yi farin ciki da shi" [Aali-imraan: 120].

KUMA YANA DAGA SIFOFIN MAKIRAI:

Girmama musibar da ta auku, da farautar wuraren da aka yi tuntuve, ko aka kuskure, tare da qoqarin yaxa su,     Da kuma qoqarin nuna jahiltar nasarorin da aka cimma, ko  kyawawan aiyukan da aka gabatar,      Wannan kuma shine abin kai-komon masu qulli a zuci; mahassada.

v      ************************

YANA KUMA DAGA CIKIN KAIDI KO MAKIRCI:

Nufan yara samari don vatar da su, da kalmar baka ce (wato: magana), ko ta hanyar hotuna, ko da wani tunani,   ta kafafen yaxa labaru, da hanyoyin sadarwa na zamani,    Kuma aikata haka yafi girman hatsari fiye da turo rundunoni masu yawa, tare da makaman kisan wulaqanci,     vatar da samari ta hanyar yaxa aqidun zafin kai da qetare iyaka,    saboda cimma rikitattun manufofi,    da neman mallake kwakwalen samari,  da shamakance tsakaninsu da tsakanin malumansu,     domin farautarsu da yin tasiri akansu daga baya yayi sauqi,   daga WASSU MUTANEN DA AKA JAHILTA; waxanda ba a sansu a fagen ilimi, ko aiki ba.

                YANA DAGA CIKIN AIYUKAN MASU QULLI A ZUCI:

 Shusshuka qungiyoyi masu aikata kashe-kashe, a garurrukan musulmai, domin su zama makamashin (ashana, fetur) da zai fara qona samarin,   ya kuma rushe kyakkyawan abinda suka fiskanta na rayuwarsu, da garurrukansu.

                    YANA KUMA DAGA CIKIN HANYOYIN MAKIRCI:

Suranta wannan addinin (na musulunci) da/ koma-baya, da riya cewa shine addinin rashin tsari, da wauta, ko dabbanci (da kuma riya cewa ba a iya zaman lafiya da musulmi),    ta hanyar kawo hotunan zubar da jinane,    ko kuma ta hanyar zartar da nau'ukan kisan walaqanci Daga waxanda suka cusa kayukansu cikin sahun musulmai,     ko waxanda suka sanya rigar addini.

                YANA KUMA DAGA CIKIN MISALAN MAKIRCI:

Qirqiran qarerayi, da yaxa jita-jita masu munanan manufofi,

Kuma lallai ayoyi bayyanannu sun zo don su yi gargaxi kan tafiya da masu qawata magana don ta yi saurin yaxuwa,    Sun kuma faxakar kan faxan daidai,       da kuma hani kan cilla magana a duk yadda ta zo, ba tare da yin tunani, ko bincikar ta ba,      (Allah yana cewa):

"Ya ku waxanda suka yi imani ku kiyaye dokokin Allah (taqawa),  kuma ku faxi magana ta daidai" [Ahzaab: 70].

A cikin wannan ayar, lallai an faxakar kan/    kyautata zance, da sanin manufarsa da inda ya dosa,    gabanin bin munafiqai akansa, ko kuma bin masu yaxa qarerayi.     

Haka zalika ayar ta faxakar kan faxin manargacin zance, wanda zai yi jagoranci zuwa ga aiki managarci.

            YANA DAGA CIKIN MAKIRCI:

Watsa shakku a cikin musulmai kan jagorori da shugabanninsu,   ta hanyar qaryata tabbatattun abubuwa,  ko kuma qirqiran na qarerayi.

                YANA DAGA CIKIN MISALAN SHIRYA MAKIRCE-MAKIRCE:

Fitar da fatawowin shubuha da fitina,      Wannan kuma zai bayu zuwa ga yaxuwar varna, da kuma sanya mata riga irin ta gaskiya.

Kuma yana daga cikin abubuwan mamaki:    Yadda baqin fatawowi suka yaxu a wannan zamanin,     waxanda aka jirkita qarya da gaskiya a cikinsu ga marasa ilimi,  Sai masu gaggawan yaxa baqin maganganu suka yi ta rige-rigen yaxa su,   Sai kuma suka haifar da munanan tasiri ga al'umma,  da cutarwar da ta kai maqura wajen muni.

                KUMA YANA DAGA CIKIN HANYOYIN SHIRYA MAKIRCE-MAKIRCE:

Hana mutane bin gaskiya, ta hanyar aikin tayar da sha'awowi ko alaqoqi tsakanin maza da mata.   Da kuma dulmuyar da samari cikin kayan sanya maye.

                KUMA YANA DAGA CIKIN AIYUKAN MAKIRAI:

Tayar da fitintinu da rashin kwanciyar hankali,    da raba kan musulmai,   da kuma ruro wutar tsanani da bala'oi;     wannan kuma domin lamarin gina al'umma da bunqasata ya dakata a qasashen musulmai,      kuma domin himmomi su tafi zuwa ga magance matsalolin da waxancan fitintinun suka jawo,    da yin aiki domin qoqarin kashe wutar da fitintinun suka kunno.

                KUMA YANA DAGA CIKIN MAKIRCIN MAKIRAI:

Shirya qarerayi;     domin yaxa ruhin jin rauni ko samar da karayar zuci, da jiyar da musulmai cewa an ci nasara akansu,    Allah (تعالى) yana cewa:

"Waxanda mutane suka ce musu: Lallai mutane sun haxu akanku;    ku ji tsoronsu,    Sai hakan ya qara imani a gare su,   har Suka ce: Allah ya isar mana, kuma madalla da Shi; abin dogaro" [Aali-imraan: 173].      

Kuma abinda ya zo cikin wannan ayar shine babbar kariyar da muminai suke fakewa izuwa gare ta; a lokutan da musibu da bala'oi suke yin dabaibayi a gare su.      Kuma duk yadda bala'oi suka yi tsanani to lallai basa qara komai ga muminai sai TABBATUWA, DA IMANI, DA MIQA WUYA.

Kuma lallai tarihin wannan al'ummar mai girma: Ya kan sanyaya rai, ya kuma sanya mutum ya ji cewa lallai nasarar tana nan tana tafe, saboda kasancewarsa tarihi ne na girma,  da kuma amintuwa cewa lallai Allah zai xauki fansa kan duk wanda yayi zalunci ko yayi xagawa.     Allah (تعالى) yana cewa:

"Lallai kamun Ubangijinka mai tsanani ne   *   Kuma lallai shine yake farar halitta sai kuma ya dawo da ita" [Buruuj: 12-13].

 (a kan haka) MUNA KYAUTATA ZATONMU GA UBANGIJINMU, KUMA MUN AMINTA DA ADALCINSA;   KASANCEWARSA MAI TAIMAKON WALIYYANSA, MAI KUMA YIN RINJAYE AKAN MAQIYANSA, Allah (تعالى) yana cewa:

"Yayin da Muminai suka ga rundunoni sai suka ce: Wannan shine abinda Allah da ManzonSa suka yi mana alkawari,   kuma Allah da Manzonsa sun yi gaskiya,      Kuma ganinsu bai qara musu komai ba face imani da miqa wuya" [Ahzaab: 22].

v      ************************

            Lallai yana daga cikin KIYAYEWAR da ALLAH yake yi wa GASKIYA da MA'ABOTANTA:   Yadda dukkan nau'oin makirci da kaidi suke rugujewa a jikin qarfin tabbatuwar wannan al'ummar, matuqar tana riqe da gadon annabta,        Koda kuwa a wassu zamanin al'ummar ta kan yi rauni.  Saidai kuma kyakkyawar makoma da qarshen lamarin ya kan zama na wannan al'ummar ne,    Allah (تعالى) yana cewa:

"Kuma ka ce: Gaskiya ta zo, Varna kuma ta gushe, lallai varna ta kasance mai gushewa ce" [Isra'i: 81].  Da kuma faxinsa:

"Kuma haqqi ne akanmu: Taimakon muminai" [Rum: 47].

            Kuma lallai AL'UMMAR MUSULMAI wata cutuwa zata iya samunsu sakamakon makircin makirai, ko kaidin masu kaidi,    Wannan kuma ya kan kasance ne saboda Allah ta'alah ya jarrabi muminai,    ya kuma buxe ko yaye lamarin munafiqai,     sa'annan ya jarraba tabbatuwar musulmai.    Saidai kuma duk yadda lamarin makirci da kaidi ya kai, to yana taqaituwa cikin QADDARAR Allah,   kuma cikin da'ira ko kewayen NUFINSA,       Kuma lallai mummunan makirci baya komawa sai kan wanda ya aikata shi,    kamar yadda Allah yake cewa:

"Kuma lallai mummunan makirci baya komawa sai ga ma'abotansa" [Faxir: 43].

            Kuma lallai HAXIN KAN MUSULMAI, DA HAXUWAR ZUKATANSU shine hanyar cin nasara da xaukaka, kuma ginshiqin da ake gina qarfinsu,    Allah (تعالى) yana cewa:

"Kuma kada ku yi jayayya sai ku raunana sai qarfinku ya tafi" [Anfaal: 46].

            Kuma al'ummar musulmai dole su haxa tsakanin riqo da sabbuban cin nasara da kuma yin tawakkali ko dogaro ga Allah (سبحانه),    Kuma duk wanda ya jingina lamarinsa zuwa ga Allah, Sai Allah ta'alah ya isar masa, ya kiyaye shi, kuma ya bashi kariya,    Allah (تعالى) yana cewa:

"Kuma duk wanda ya dogara ga Allah to ya isar masa, Lallai Allah ya iyar ga lamarinSa, kuma lallai haqiqa Allah ya sanya qaddara ga kowani abu" [Xalaq: 3].

            "Kada kayi baqin ciki lallai Allah yana tare da mu" [Taubah: 40],    Wannan kalma ce da Manzon Allah (صلى الله عليه وسلم) ya faxe ta, alhalin yana cikin kogo tare da abokinsa (Abubakar), a lokacin da kafirai suka kewaye su,    Sai Allah ya tseratar da shi, ya kuma kiyaye shi, ya bashi nasara.      Don haka (لا تحزنْ إنّ الله معنا) tana haifar da samun natsuwa da kwanciyar hankali,    tare da xebe cire tsammanin samun nasara daga zukata.

                KUMA LALLAI ANA TOTTOSHE QOFOFIN MAKIRCI: Da tabbatuwa akan gaskiya,   da yin riqo da alqur'ani da Sunnah,    tare da komawa zuwa ga maluma a lokaci ko wuraren fitina,      da mayar da lamari zuwa ga shugabanni a cikin hukunce-hukunce ko lamarin amincin al'ummah.

            Siffantuwa da TAQAWAR ALLAH, da YIN HAQURI suma suna raunana tsananin makirci,     kuma su kan tunkuxe cuta,    Allah (تعالى) yana cewa:

"Wancan kuma ya kasance, saboda lallai Allah mai raunana kaidin kafirai ne" [Anfaal: 18].

            Kuma lallai amincin wannan qasar; wato qasar masallatai masu alfarma guda biyu;      Masarautar larabawa ta Saudia,   Shine ginshiqin samun amincin dukkan al'ummah,   saboda kasancewarta zuciyar wannan al'ummar wanda yake bugawa,     Kuma lallai munana wa wannan qasar munanawa ne ga amincin al'ummar musulmai (bakixaya).     Kuma jikin wannan al'ummar ba zai gushe ba cikin alkhairi matuqar dai zuciyar tana bugawa,     saboda alkhairin wannan qasa ya game,  aiyukanta na kirki kuma basa qarewa.       Kuma tabbatuwanta cikin aminci, da bata kariya daga makircin makirai, da kuma kaidin masu qulli a cikin zukata = ABU NE da shari'a ta ke neman samar da shi, kuma wajibi ne na addini akan kowani musulmi.

Kuma 'ya'yan wannan qasar; masu hankali sun san da haka,   kuma zasu ci-gaba da bada gudumawa da wayewarsu wajen rurrusa tsare-tsaren masu jiran su ga matsala ta auku.

            Kuma duk wanda ya yi qoqarin cutar da amincin wannan qasar,   to lallai yana yin hidima ne ga maqiyan wannan addinin na musulunci,      Kuma wannan qasar zata ci-gaba da zama a kiyaye; da kiyayewar Allah,    tana tsaye, cikin bunqasa,      Allah (تعالى) yana cewa:

"Idan kuka yi haquri, kuka yi taqawa, Kaidinsu ba zai cutar da ku da komai ba" [Aali-imraan: 120].

            Allah yayi mini albarka da ku, a cikin alqur'ani mai karamci, ya kuma amfanar da mu da abinda ke cikinsa na ayoyi, da tunatarwa mai hikima,      Ina faxar maganata wannan, ina kuma neman gafarar Allah, wa NI da KU, da kuma sauran musulmai, ku nemi gafararSa,    lallai shi mai gafara ne mai rahama.

…

HUXUBA TA BIYU

            Yabo na Allah ne; muna gode masa, kuma muna neman taimakonSa, muna neman gafararSa, kuma muna neman tsarin Allah daga sharrin kayukanmu da munanan aiyukanmu,    Duk wanda Allah ya shiryar to babu mai vatar da shi,   Wanda kuma y avatar babu mai shiryar da shi,    Kuma ina shaidawa babu abin bautawa da gaskiya sai Allah shi kaxai yake bashi da abokin tarayya,     Kuma ina shaidawa lallai Muhammadu bawansa ne kuma Manzonsa ne,  

            Ya Allah kayi salati wa Annabi Muhammadu da iyalan annabi Muhammadu kamar yadda kayi salati wa annabi Ibrahima da iyalan annabi Ibrahim, lallai kai abun godiya ne, mai girma.

            Ya Allah ka yarda da khalifofi shiryayyu;    Abubakar da Umar da Usmanu da Aliyu,    da Iyalan annabi da sahabbansa masu karamci, ka haxa da mu da baiwarka, da rahamarka, ya mai mafificin kyauta.

            Ya Allah ka xaukaka musulunci da musulmai….

       Huxubar ta qare,,,          ,,,          ,,,

HUDUBAR JUMA'A DAGA MASALLACIN ANNABI saw 19 zulhijjah 1436h Ta Shehi Husain Alush-sheikh

HUXUBAR MASALLACIN ANNABI (r)

 JUMA'A, 19/ZULHIJJAH/1436H

LIMAMI MAI HUXUBA

SHEHI HUSAINI XAN ABDUL'AZIZ ALUSH-SHEIKH

TARJAMAR

ABUBAKAR HAMZA
بسم الله الرحمن الرحيم

Yabo ya tabbata ga Allah wanda cikin ni'imominsa kyawawan abubuwa suke cika. Kuma ina shaidawa babu abin bautawa da gaskiya sai Allah, shi kaxai yake bashi da abokin tarayya, Ubangijin qassai da sammai,  kuma ina shaidawa lallai annabinmu Muhammadu bawansa ne kuma manzonsa ne, fiyayyen dukkan halittu, Ya Allah ka yi salati da sallama da albarka a gare shi, da iyalansa da sahabbansa, ma'abota biyayya da kuma aikin kusanci.

Bayanbhaka;

Ya ku musulmai…

Ku kiyaye dokokin Allah iyakar kiyayewa, kuma ku yi riqo –a musulunci- da igiya mai qarfi. Kuma ku sani lallai rabauta da tsira da moriya yana nan ne cikin biyayya wa Mahalicci.

Ya ku taron musulmai

Muna godiya wa Allah akan baiwar da yayi  na kammalawar aikin hajji wa mahajjata,         da kuma datarwar da yayi wa salihan bayi na raya yini goman (10 zulhijjah) da nau'ukan bauta mabanbanta,        Wannan kuma yana daga falalar Allah da datarwarSa,       Yabo nasa ne, kuma godiya itama tasa ce,       Muna kuma roqonsa dacewa, da karvar aiyuka.

Mahajjata xakin Allah mai alfarma…

Taya ku murnar kammala aikin hajji, Allah ya karva muku, kuma ya kiyaye ku, kuma ya mayar da ku zuwa ga iyalanku lafiya a halin cin riba.

Yanzu kuma ga ku nan kun iso Madinar Manzon Allah (صلى الله عليه وسلم)  Allah ta'alah ya faranta muku, kuma marabanku lale da zuwa, zamanku a wannan gari Allah yasa yayi daxi, kuma ya girmama rabonku a cikin dare da yini.

Lallai hajji da kwanakin nan guda goma, da abinda ke cikinsu na aiyuka kyawawa; waxanda mahajjata suka cike su da aiyukan bauta, Haka waxanda aka datar da su daga cikin  sauran mutane wajen aikata dangogin aiyukan biyayya, = lallai ni'ima ne mai girma, wacce take hukunta qarin godiya wa Allah mabuwayi da xaukaka, irin godiyar da yake farlanta wa bawa dawwama kan aiyukan taqawa, tare da juriya kan yi masa xa'a, da tsere kan aikata aiuykan alkhairi da shiriya, da tabbatuwa akan tauhidin Allah (سبحانه), da bin sunnar ManzonSa zavavve.

An tambayi ALHASANUL BASARIY cewa: Menene "hajji mabrur?" Yace:

"Shine: Ka dawo, kana mai guje wa DUNIYA, kana mai kwaxayin LAHIRA".

Kuma Ibnu-rajab ya ambaci qissar wani mutum cewa bayan yayi hajji sai ransa ta kira shi zuwa ga sava wa Allah, Sai yaji wani sauti daga sama yana cewa:

"Ya kai wannan mutum, shin baka yi hajji ba ne?".

            Lallai bayi abinda yake wajibi akansu shine: Tsayuwa kan miqaqqiyar hanya, da yin aikin xa'ar mahalicci mai girma, a cikin kowani lokaci da zamani,

"Kuma ka tsayu kamar yadda aka umurce ka, da wanda ya tuba tare da kai, kuma kada kuyi xagawa, Lallai shi akan abinda kuke aikatawa mai gani ne" [Hudu: ].

"Kuma ku daidaita zuwa gare shi, ku nemi gafararSa"  [Shura: ].

Don haka;           Musulmi rayuwarsa gabaxayanta wajibi ne ta zama lokaci ne na yin dangogin xa'a, da kuma saurin neman samun yardar Ubangijin qassai da sammai,

"Lallai sallata da yanke-yankena, da rayuwata da mutuwata ga Allah ne, Ubangijin talikai  **   Bashi da abokin tarayya. Da haka aka umurce ni, Kuma nine farkon musulmai" [An'aam: ].  Kuma Allah (سبحانه) yana cewa:   

"Kuma ka bautawa Ubangijinka har sai mutuwa ta zo maka" [Hijir: ].

Kuma ya zo cikin faxakarwar Annabi wanda duk mutumin da yayi riqo da su zai tsira kuma ya rabauta,      Ya zo cewa lallai wani mutum yazo wajen Annabi (صلى الله عليه وسلم) sai yace:

"Ya ma'aikin Allah ka gaya min wata Magana a cikin musulunci wacce ba zan tambayi wani akansa ba a bayanka? Sai yace: Ka ce: Nayi imani da Allah, sannan ka tsayu".

            Ya ku 'yan'uwa musulmai…

Lallai babbar manufa daga cikin manufofin aikin hajji itace: Tarbiyyar zukata akan babbar manufa, da kuma qara tabbatar da itako jaddada ta a cikin zukata, Wanda kuma shine tabbatar da tauhidi ga Allah mabuwayi da xaukaka, Wannan kuma saboda musulmi ya zama mai kaxaita Allah a zahirance da a voye, a cikin zance da aiki da halayya, ta yadda (musulmi) ba zai karaya ba, ba zai qasqantar da kansa ba sai ga Allah, haka nan ba zai bayyanar da qasqancinsa ko miqa wuya ba sai ga Allah wanda sha'aninSa ya xaukaka.

Ibadar aikin hajji makaranta ce, wacce take rayar da zuciya, da kuma gavvai da kaxaita Allah (سبحانه) da bauta, ta fiskar jin tsoronsa da girmama shi, da kwar-jini, da roqo, da soyayya da fata, tawakkali da dogara, mayar da lamari da sallamawa, Tauhidi tatacce da yake fitar da zukata daga "wahami ko tatsuniya", sannan su xage rayuka daga matsalar qasqanta ga kowani halitta.

Kuma aikin hajji shine mafi girman darasin da yake tarbiyyantar da mutane kan girmama mahalicci, da tabbatar da cikakken qasqanci a gare shi, da soyayya cikakkiya, domin bawa ya kuvuta daga tushen shirka da hanyoyin da suke kaiwa zuwa gare shi, da kuma sabbubansa, Allah ta'alah ya ambata a tsakiyan ayoyin da suke bayanin hukunce-hukuncen aikin hajji:

"Kuma wanda yayi shirka wa Allah, to kamar ya faxo ne daga sama, sai tsuntsu ya wafce shi, ko kuma iska ta gangarar da shi a wuri mai nisa"[Hajji: ].

Shi mai tauhidi mumini baya neman taimako a lokacin  tsanani sai daga Allah, kuma a lokacin qunci baya neman mafaka sai zuwa ga Allah;       wannan kuma saboda yaqinin da yake da shi cewa: Babu mai tunkuxe cuta, ko ya jawo wani amfani idan ba wanda sha'aninsa ya xaukaka ba, Allah ta'alah yana cewa:

"Kuma wanene ya ke amsawa mabuqaci idan ya roqe shi, kuma ya ke yaye mummuna, yake sanya ku, ku zama masu mayewa a bayan qasa,  Akwai wani abin bautan ne, tare da Allah? Kaxan ne kuke wa'aztuwa" [?????].

            Kuma yana cikin shirka mai girma: Roqon wanin Allah; kamar neman agajin matattu, da kuma rataya zuciya da waliyyai da salihai, da roqonsu, da yin bakance a gare su, ko kuma yin bauta a gare su ta hanyar yin xawafi a qabarinsu, ko kuma qudurce cewa sun san gaibu, ko suna iya yaye cuta,ko jawo amfani, daga cikin dangogin da babu wanda ke iya mallakarsu sai mahalicci mai iko.

            Kuma yana daga cikin babban shirka: Gaskata masu sihiri da qulunboto, da bokaye da masu ilimin taurari. Allah ta'alah yana cewa:

"Kuma idan Allah ya shafe ka da wata to babu mai yayewa masa sai shi. Idan kuma ya shafe ka da wani alkhairi to lallai shi mai iko ne akan komai" [An'aam: ].

Kuma Manzon Allah (صلى الله عليه وسلم) yana cewa:  

"Duk wanda ya mutu alhalin yana roqon wata kishiya koma bayan Allah to ya shiga wuta", Bukhariy ya ruwaito shi.

            Ya ku taron musulmai…

            Lallai ya yi matuqar raxaxi ga kowani musulmi hatsarin da turarreniya da turmutsutsi ya jawo shi a yankin Minah, Saidai kuma muna yin godiya wa Allah akan hukuncnsa da qaddararsa. Kuma muna roqon Allah da cewa yayi gafara ga waxanda suka rasu daga cikinsu, ya sanya su daga sahun shahidai a wurinSa,  domin ya qaddara yin shahada a gare su, kuma duk wanda ya mutu akan wani abu to za a tayar da shi akansa, kuma muna roqon Allah da ya kyautata haqurin iyalansu da makusantansu, ya kuma yi musu canjin alkhairi, ya kyautata ladanSa a gare su. Sannan ya gaggauta warakar majinyata daga cikinsu.

Kuma hidimar haramin Makkah da Madina guda biyu –Allah yayi masa sakayyar alkhairi- ya baiwa wannan lamari matuqar kulawarsa, kuma yayi umurnin cewa a yi binceke na adalci, domin sanin idan akwai wani sababi, domin kuma ayi hisabi ga wanda yayi sakaci, a kuma yi uquba ga wanda ya sabbaba hakan; idan akwai wanda ya zama musabbabin.

Kuma wannan abinda ya bijiro, ko ya auku, ba zai tava gurvata irin manya-manyan qoqari, da aiyuka masu girma, da hidimomi mabanbanta masu yawa da girma; waxanda hukumar mai hidimar harami guda biyu take aiwatar da su, don su zama hidima ga mahajjata da masu umrah ba. Kai, da aiki tuquru don gabatar da dukkan abinda zai iya yiwuwa, cikin aiyuka mabanbanta, da suke raya masallatan harami guda biyu, da sauran wuraren ibada masu tsarki (Minah, Arfah, da Muzdalifah), waxanda a tarihi ba a tava ganin irin waxannan aiyukan ba.

            Kuma mai hidiman maramai guda biyu, da mutane biyu da suke na'ibtarsa sune da karan-kansu suke kula da dukkan aiyukan da ake (masu alaqa da haramin Makkah dana Madina, basa wakilta wassu akan haka), wanda kuma aiyukan saboda yawansu basu da iyaka, suna kuma yin muraja'ar aiyukan, suna kuma sake bada wassu qare-qare, cikin duk abinda zai yi wata hidima ga wannan lamari.

            Daula ko kuma qasar Saudia a qarqashin shugabancin mai hidimar haramai guda biyu ta kan shugabanci gudanar hajji, da aiyukan umrah a lokuta mabanbanta a tsawon kwanakin shekara, da dukkan kwarewa ko iko (babu gazawa), kuma waqi'in da ake ji, da gani yana yin shaida akan haka, kuma babu mai yin musun hakan sai wanda aka shafe basirarsa, daga cikin waxanda suka sanya qulli a zukatansu, da masu yin hassada kan wannan ni'imar; wacce Allah yayi baiwarta ga shugabanin wannan qasar. Kuma lallai kamala (da rashin naqasa) na Allah ne shi kaxai. Saidai kuma duk wanda yake qoqarin sanya shakka, ko sukan hukumar mai hidimar haramai guda biyu maxaukaka da cewa wai bata bayyanar da kwaxayinta wajen ganin mahajjata sun yi akinsu lafiya ba, ko cikin hutu, ko ya tuhume ta da cewa: Wai bata wani qoqari wajen bunqasa wuraren ibadodi masu tsarki, ko yace: Wai sun gaza wajen samar da damammakin ka-iya samuwa, na mutane, da dukiya, da aminci, da kayan aikin zamani dana likitanci, Waxanda kuma miqiyin da zai yi adalci shima ya san an samar da su, gabanin masoyi adali. Duk wanda ya ke qoqarin sanya shakka cikin waxannan to lallai mutum ne mai qin gaskiya da girman kai, wanda kuma zai iya musanta samuwar rana a lokacin tsakiyar yini.

Kuma daga nan (minbarin Manzon Allah saw) muna Magana da harshen kowani musulmi cewa: Allah yayi maka sakayyar alkhairi ya mai yin hidima wa harami guda biyu masu daraja, kuma Allah yayi sakayya wa mai jiran gadonsa, da mai jiran mai jiran gado, kuma Allah ya karva muku, kuma ku ci gaba da tafiyarku cikin albarkar Allah, kuma Allah ya gwavava ladanku, ya kuma yi albarka cikin aiyukanku. Kuma maqiyinku ba zai samu komai ba sai asara da kuma nadama.

Kuma shi wannan godiyan shugaban hajji; wato: gwamnan yankin Makkah mai karamci, akan aiyukansa waxanda sashinsu ke bin sashi, da fatan Allah ya kyautata sakayyarsa, sannan ya datar da shi wajen qara wassu aiyukan.

Haka kuma muna roqon Allah yayi sakayya ga dukkan vangarorin hukuma waxanda suka hana idanunsu barci, kuma suke hana su, don yin hidima wa baqin mai rahama (mahajjata), musamman dakarunmu aminai, masu kula da aminci, akan aiyukansu na yau da kullum na kiyaye aminci da tsaro, da nitsuwa da kwanciyar hankali.

Da kuma dukkan gwanayen vangaren lafiya, waxanda suka yi aiki mai kyau,  Da fatan Allah yayi sakayya a gare su da mafi alherin sakamako, yayi musu albarka, ya kiyaye su, sannan ya jiyar da su daxi a duniya da lahira.

'Yan'uwa musulmai…    

Lallai shugabanmu –a lokacin da yake aiki tukuru don sauke nauyin da ya rataya a wuyansa, wajen tabbatar da maslahohin hajji masu yawa- tare kuma da yawan masu ziyarar xakin Allah ta fiskar adadi daga sauran yankunan duniya, to lallai maslahar shari'a ta hukunta a kawo tsare-tsare, waxanda lalurar tunkuxe varna da sharri take hukunta ayi aiki da su, wannan kuma sabili da mummunan cunkoso, wanda xinbin adadi ke jawo shi.

Kuma yana daga waxancan tsare-tsaren da zasu kawo hutu ga mahajjata, don su samu sauqin sauke faralinsu, su kuma aikata wajibinsu; Kuma yana daga abubuwan da ba za su dace da musulmi ba, yayi wayo wa waxannan tsarin, ko kuma yayi jifa da su ta bayan Katanga, wai saboda nufin aikata alkhairi; wanda kuma shine sauke hajjin nafila, kuma lallai manufofin shari'ar musulunci da qa'idodinta masu gamewa, da tushenta manya-manya suna wajabta wa musulmi taimakakkeniya kan biyayyar Allah da taqawa, Wanda yana daga cikin hakan: Bubbuxe damammaki ga mutane masu yawa, daga cikin waxanda basu tava aikin hajji na farilla ba, yin hakan kuma haqqi ne daga cikin haqqoqin 'yan'uwantakar imani, kuma wajibi ne daga cikin wajiban soyayya ta aqida, Allah (سبحانه) yana cewa:

"Lallai muminai 'yan'uwa ne" [Hujuraat: ].

Kuma Manzon Allah (صلى الله عليه وسلم) yace:

"'Xayanku ba zai zama mai cikakken imani ba, har sai ya so wa xan'uwansa abinda yake so wa kansa".

A kan haka; Ba zai dace wassu su xau hanyar sava wa ijma'in maluman wannan zamanin; wanda ya nuna lalurar iyakance yawan masu hajji ko umrah, tare da kawo tsare-tsaren da za a iya tabbatar da maslaha da tunkuxe matsaloli ko varna tare da su. Ta yaya zai dace da musulmi ya sava wa gangogin umurnin da shugaba ya bayar a cikin lamarin da babu barin wajibi, ko kuma sava wa umurnin shari'a na wajibi, wanda kuma shugaban ya bada umurninsa ne, saboda babbar maslahar da duba na musulmai gabaxaya,     Kuma ta yaya zai dace da musulmi ya sava wa shari'a cikin hukunce-hukuncen hajji, kamar barin yin  harama daga miqaati; wai saboda ya zo da hajjin nafila; wanda shari'a bata lazimta masa shi ba, kai, lallai mutumin da Allah ya san niyyar gaskiya tare da shi, na neman yin nafilar hajji, sai kuma tsare-tsare ba su bashi damar aiwatar da hakan ba, to falalar Allah tana da yalwa, kuma zai samu lada da sakayya mai kyau akan niyyar da yayi, Annabi (صلى الله عليه وسلم) yace:

"Lallai a garin Madina akwai wassu mazaje; baza ku yi wata tafiya ba, kuma ba za ku yanka ta wani kwari ba, face sun kasance tare da ku, rashin lafiya ne ya katange shu", A wata riwayar kuma:

"Face sun yi tarayya da ku cikin lada", Muslim ya ruwaito shi.   A cikinhadisin Anas kuma yace:

"Mun dawo daga yaqin tabuka, da Annabi (صلى الله عليه وسلم) sai yace: Lallai wassu mutanen da muka barsu a garin Madina, bamu bi wata hanyar da take tsakanin duwatsu ba, ko kuma wani kwari, face su suna tare da mu, uzuri ne ya riqe su", Bukhariy ne ya ruwaito shi.

Ibnu-qayyim yace: ((Zancen wanda ya faxa daga cikin maluman fiqihu cewa: WAI BAYA HALATTA A FIFITA WANI AKAN KAI, A CIKIN AIYUKAN IBADA, wannan zancen bai inganta ba; saboda A'ishah ta fifita Umar alfaruq akan kanta, da cewa a bunne shi a xakinta, yana makwabtaka da Annabi –صلى الله عليه وسلم-  …. –Har zuwa inda ya ke cewa:- Shin wannan ba karamci ba ne da kyauta, da kuma fifita wani akan kanta, ga abinda take matuqar sonsa –wato: bunneta kusa da mijinta da mahaifinta- don taga ta kwaranye baqin ciki ga xan'uwanta musulmi –Umar-, da kuma girmama matsayinsa,       …-har zuwa faxinsa: Sai wanda ya fifita waninsa akan kansa ya zama daga cikin waxanda suka yi kasuwanci da ransu, ta hanyar bayar da wani abu, tare da xaukar ninkin baninkiyansa.   Sa'annan sai ya hakaito daga sahabbai cewa su sahabbai basa ganin cewa hakan makruhi ne.    Sannan yace: kuma littafin Allah da sunnar Manzon Allah –saw-, da kyawawan halayya basa hana aikata haka)). Maganarsa ta qare.

A kan wannan, Yaya ga mutumin da ya fifita hanuwa daga    yin aikin hajjin nafila da nufin yalwatwa waxanda suke son yin hajjin farilla, musamman a wannan zamanin wanda cunkuso ya kan yi yawa a cikinsu, to a nan fifitawar; lura da maslahar al'umma ta gabaxaya, wacce ta game dukkan al'umma, kuma za ta sauqaqe mata sauke wannan farilla na wajibi (shine yafi muhimmanci).

            Wanda aka datar da shi, shine kaxai wanda Allah ya datar da shi.

            Ina faxan wannan maganar, kuma ina neman gafarar Allah wa Ni da Ku da kuma dukkan  musulmai daga kowani zunubi, ku  nemi gafararsa lallai shi mai gafara ne mai rahama.

  

HUXUBA TA BIYU

            Ina yin yabo wa Ubangijina kuma ina yi masa godiya, Kuma ina shaidawa babu abin  bautawa da gaskiya sai Allah shi kaxai yake bashi da abokin tarayya,  Kuma ina shaidawa lallai annabi Muhammadu bawansa ne kuma manzonsa,

            Bayan haka:

            Ina yi muku  wasici da taqawar Allah mabuwayi da xaukaka, saboda duk wanda ya kiyaye dokokinsa sai Allah ya bashi daddaxar rayuwa, kuma ya kare shi, sannan sai ya ci nasara ya kuma rabauta a duniya da lahira.

            Ya ku musulmai…   

            Lallai bayyanar da qiyayya wa al'ummar musulmai da garrurukansu wani al'amari ne wanda tsananinsa ya fi qarfin tunani, kuma ba zai yiwu a zance na gaggawa a game Magana akansa ba, musamman qasar harami guda biyu maxaukaka, lallai ana shirya mata makirce-makirce, da zaman lafiyanta, daga masu qullin qiyayya a zuci, abinda harshe a irin wannan wurin ba zai iya siffanta shi ba.

            Ya ku samarin musulmai…

            Lallai yana daga cikin abubuwan da suke gargaxin cewa hatsari na fiskantowa: Irin abinda hanyoyin sadarwa suke watsawa na bayanai, waxanda basa banbance daidai daga varna, da kuma gaskiya daga qarya,     Bayanai ne ake tultulowa, tsare-tsare ne da ake tsananta kai hari da su, ga wannan qasa, da abinda ta mallaka, da shugabanninta da jama'arta. Kuma lallai mai hankali shine wanda  

Addu'a ….

……………….

……………….