BALAGURO ZUWA HAJJI رحلة ملبي

BULAGURO ZUWA HAJJI

(رحلة ملبي)

TANADAR

(زاد)

TARJAMAR

ABUBAKAR HAMZA

           

Allah ya umarci annabi Ibrahima (alaihis salam) da ya xaga ginin masallaci mai alfarma, sa'annan ya kira mutane zuwa ga hajji, sai wannan wurin ya kasance mai albarka, kuma shiriya ga talikai, kuma zuwa gare shi, rayukansu su ke shauqi, kuma zukatansu su ke karkata.

            Kuma a shekara ta tara (9) ta hijira ayar da ba a soke hukuncinta ba, ta sauka ga Annabi (sallal lahu alaihi wa sallama), wanda ta ke wajabta wa mutane hajjin xakin Allah, ga wanda ya samu hanyar zuwa gare shi, domin hajjin ya kasance farilla daga farillan musulunci, da rukuni daga cikin rukunnan musulunci, (Kuma Allah ya wajabta wa mutane, hajjin wannan xakin, ga wanda ya samuhanyar tafiya gare shi, kuma duk wanda ya kafirce to lallai Allah mawadaci ne ga halittu) [Ali-imraana: 97].

            Don haka,

            Ya zama wajibi ga musulmi, ya yi gaggawan sauke farillar hajji, duk lokacin da ya kasance yana da iko, saboda bai san mai zai kasance tare da shi ba, idan ya jinkirta shi, saboda ya zo cikin hadisi daga Annabi (sallal lahu alaihi wa sallama) lallai shi ya ce: (ku yi gaggawan yin hajji –yana nufin na farilla- saboda xayanku be san abinda ka-iya bijiro masa ba) [Ahmad ya ruwaito shi, 1/314, kuma Albaniy y ace hadisi ne hasan a cikin littafin Irwa'ul galil, 990].

            Kuma wajibi ne ga wanda ya yi azamar aiwatar da wannan farillar mai girma

1-              SHIRI A GARE TA, ta hanyar gangariyar tuba

2-              DA IKHLASIN niyya ga Allah shi kaxai, sai ya nemi ganin fiskar Allah, da hajjinsa, da kuma gidan lahira.

3-              Sai kuma YA YI QOQARIN SAUKE HAQQOQI, DA BASUKA, DA KAYAN MUTANE DA SU KE HANNUNSA.

4-              Sai kuma ya yi WASIYYA GA IYALANSA DA BIN DOKOKIN ALLAH da taqawa.

5-              Sai kuma ya rubuta wasiyyarsa, idan akwai abinda zai yi wasiyyar da shi, na haqqoqi da wasunsu.

6-              Ya kuma TANADI GUZURI daga dukiya ta halal.

7-              Ya kuma nemi abokan tafiya nagari.

8-              Ya kuma KOYI FIQIHUN HAJJI da SIFAR HAJJI.

9-              YANA MAI YIN GUZURI DA LITTAFAN MA'ABUTA ILIMI da suke Magana akan haka.

Manzon Allah (sallal lahu alaihi wa sallama) ya ce:

(UMRAH ZUWA UMRAH SUNA KANKARE ABINDA YA AUKU TSAKANINSU, SHI KUMA HAJJI GANGARIYA BASHI DA WANI SAKAMAKO FACE ALJANNAH) [Bukhariy da Muslim].