LADUBAN SALLAMA DA ATISHAWA DA ZIYARAR MARAS LAFIYA (ابن باز)

SHAR'ANTA YIN SALLAMA DA AMSATA, DA YIN ADDU'A GA MAI ATISHAWA IDAN YACE: "ALHAMDU LILLAH", DA ZIYARAR GAIDA MARAS LAFIYA([1])

An karvo hadisi daga Abdullahi xan Amru bn Al-aas (y), lallai wani mutum ya tambayi Annabi (r):

أَيُّ الْإِسْلَامِ خَيْرٌ؟ قَالَ: «تُطْعِمُ الطَّعَامَ، وَتَقْرَأُ السَّلَامَ عَلَى مَنْ عَرَفْتَ، وَمَنْ لَمْ تَعْرِفْ».

Ma'ana: "Wanne musuluncin ne ya fi alheri? Sai ya ce: Ka ciyar da abinci, ka kuma yi sallama ga wanda ka sani da wanda ba ka sani ba"([2]). Bukhariy da Muslim suka ruwaito shi.

An karvo hadisi daga Abu-hurairah (t), ya ce: Manzon Allah (r) yace:

«لَا تَدْخُلُونَ الْجَنَّةَ حَتَّى تُؤْمِنُوا، وَلَا تُؤْمِنُوا حَتَّى تَحَابُّوا، أَوَلَا أَدُلُّكُمْ عَلَى شَيْءٍ إِذَا فَعَلْتُــمُوهُ تَحَابَبْتُمْ؟ أَفْشُوا السَّلَامَ بَيْنَكُمْ».

Ma'ana: "Ba za ku shiga aljanna ba har sai kun yi imani, ba za ku yi imani ba har sai kun so junanku, Shin ba zan nuna muku wani abinda idan kun aikata shi za ku so junanku ba? Ku watsa sallama a tsakaninku"([3]). Muslim ya ruwaito shi.

Daga Abu-hurairah (t) lallai Annabi (r) ya ce:

«خَمْسٌ تَجِبُ لِلْمُسْلِمِ عَلَى أَخِيهِ: رَدُّ السَّلَامِ، وَتَشْمِيتُ الْعَاطِسِ، وَإِجَابَةُ الدَّعْوَةِ، وَعِيَادَةُ الْمَـــرِيضِ، وَاتِّبَاعُ الْجَنَائِزِ».

Ma'ana: "Abubuwa guda biyar suna wajaba ga musulmi akan xan'uwansa, amsa sallama, da addu'a ga mai atishawa, da amsa gayyata, da ziyarar gaida maras lafiya, da rakiyar gawa"([4]). Bukhariy da Muslim suka ruwaito shi.

An sake samowa daga gare shi (t) daga Annabi (r) lallai ya ce:

«حَقُّ الْمُسْلِمِ عَلَى الْمُسْلِمِ سِتٌّ» قِيلَ: مَا هُنَّ يَا رَسُولَ اللهِ؟، قَالَ: «إِذَا لَقِيتَهُ فَسَلِّمْ عَلَيْهِ، وَإِذَا دَعَــــاكَ فَأَجِبْهُ، وَإِذَا اسْتَنْصَحَكَ فَانْصَحْ لَهُ، وَإِذَا عَطَسَ فَحَمِدَ اللهَ فَسَمِّتْهُ، وَإِذَا مَرِضَ فَعُدْهُ وَإِذَا مَاتَ فَاتَّبِعْهُ».

Ma'ana: "Haqqin musulmi akan musulmi guda shida ne, Sai aka ce: Menene su ya ma'aikin Allah? Sai ya ce: Idan ka gana da shi ka yi masa sallama, idan kuma ya gayyace ka to ka amsa masa, idan ya nemi nasiharka ka yi masa nasiha, idan ya yi atishawa sai ya ce: alhamdu lillah to sai ka yi masa addu'a, idan ya yi jinya ka ziyarce shi, in kuma ya mutu ka raka gawarsa"([5]). Muslim ya ruwaito shi.

Daga Abu-hurairah (t) lallai Annabi (r) ya ce:

«إِنَّ اللَّهَ يُحِبُّ الْعُطَاسَ وَيَكْرَهُ التَّثَاؤُبَ فَإِذَا عَطَسَ فَحَمِدَ اللَّهَ فَحَقٌّ عَلَى كُلِّ مُسْلِمٍ سَمِعَهُ أَنْ يُشَمِّتَهُ، وَأَمَّا التَّثَاوُبُ فَإِنَّمَا هُوَ مِنَ الشَّيْطَانِ فَلْيَرُدَّهُ مَا اسْتَطَاعَ، فَإِذَا قَالَ: هَا ضَحِكَ مِنْهُ الشَّيْطَان».

Ma'ana: "Lallai Allah ta'alah yana son atishawa, yana kuma qin hamma, don haka; idan xayanku ya yi atishawa sai kuma ya ce: alhamdu lillah, to haqqi ne ga kowani musulmin da ya ji shi ya masa addu'ar nema masa rahama (ya ce: Yarhamukal lahu), Amma shi kuma hamma to daga Shexan ne, don haka; mutum ya mayar da shi gwargwadon iko, Idan ya ce: Ha,a,a Sai shexan ya yi ta yi masa dariya"([6]). Bukhariy da Muslim su ka ruwaito shi.

An sake karvowa daga gare shi, daga Annabi (r) yace:

«التَّثَاؤُبُ مِنَ الشَّيْطَانِ، فَإِذَا تَثَاءَبَ أَحَدُكُمْ فَلْيَكْظِمْ مَا اسْتَطَاعَ».

Ma'ana: "Yin hamma daga shexan ne, idan xayanku ya yi hamma to ya kame gwargwadon iko"([7]). Muslim ya ruwaito shi.

An karvo daga Abu-sa'id alkhudriy (t), ya ce: Manzon Allah (r) yace:

«إِذَا تَثَاءَبَ أَحَدُكُمْ، فَلْيُمْسِكْ بِيَدِهِ، فَإِنَّ الشَّيْطَانَ يَدْخُلُ».

Ma'ana: "Idan xayanku zai yi hamma to ya kame bakinsa da hannunsa, saboda shexan yana shiga"([8]). Muslim ya ruwaito shi.

Daga Abu-hurairah (t) lallai shi ya ce:

«إِذَا عَطَسَ أَحَدُكُمْ، فَلْيَقُلِ: الْحَمْدُ لِلَّهِ، وَلْـيَـقُلْ لَهُ أَخُوهُ أَوْ صَاحِبُهُ: يَرْحَمُك اللهُ، وإذا قال له: يَرْحَمُك اللهُ فَلْيَقُلْ: يَهْدِيكُمُ اللهُ وَيُصْلِحُ بَالَكُمْ».

Ma'ana: "Idan xayanku ya yi atishawa yace: ALHAMDU LILLAH, Sai xan'uwansa ko abokinsa ya ce: YARHAMUKAL LAHU, Idan ya ce masa: Yarhamukal lahu, to sai yace: YAHDIYKUMUL LAHU WA YUSLIHU BAALAKUM"([9]). Bukhariy ya ruwaito shi.

Abu-musa al-ash'ariy (t) yace:

«إِذَا عَطَسَ أَحَدُكُمْ فَحَمِدَ اللَّهَ فَشَمِّتُوهُ، وَإِذَا لَمْ يَحْمَدِ اللَّهَ فَلَا تُشَمِّتُوهُ».

Ma'ana: "Idan xayanku ya yi atishawa sai ya ce: alhamdu lillah, to ku yi addu'ar neman rahama a gare shi, idan kuma bai ce: alhamdu lillahi ba kada ku yi masa wannan addu'ar"([10]). Muslim ya ruwaito shi.

$&$

$&$

---

([1])  Wannan ya zo ne a cikin littafin: TUHFATUL AKHYAAR, BI BAYANI JUMLATIN NAFI'ATIN MIMMA WARADA FIL KITABI WAS SUNNATIS SAHIHATI MINAL AD'IYATI WAL AZKAAR, Na Ibnu-baaz, (fasalin da yake kusa da na qarshe, 34), yana nan kuma a cikin MAJMU'U FATAWA WA MAQAALAAT MUTANAWWI'AH, (26/49-52) .

([2])  Bukhariy ya ruwaito shi, (lamba: 12), da Muslim (lamba: 39).

([3])  Muslim ya ruwaito shi, (lamba: 54).

([4])  Bukhariy ya ruwaito shi, (lamba: 1240), da Muslim (lamba: 2162).

([5])  Bukhariy ya ruwaito shi, (lamba: 6223), da Muslim (lamba: 2162).

([6])  Bukhariy ya ruwaito shi, (lamba: 6223).

([7])  Bukhariy ya ruwaito shi, (lamba: 3115), da Muslim (lamba: 2994).

([8])  Muslim ya ruwaito shi, (lamba: 2995).

([9])  Bukhariy ya ruwaito shi, (lamba: 6224).

([10])  Muslim ya ruwaito shi, (lamba: 2992).