HIMMATUWAR MASARAUTAR SAUDIYA DA KULAWANTA GA BAKIN ALLAH; MAHAJJATA (اهتمام المملكة وعنايتها بضيوف الرحمن)

HIMMATUWAR MASARAUTAR SAUDIYA DA KULAWANTA GA BAKIN ALLAH; MAHAJJATA

(اهتمام المملكة وعنايتها بضيوف الرحمن)

Mai girma Na'ibin ministan hajji da umrah;

Dr. Abdulfattah bn Sulaiman Mash-shad

معالي نائب وزير الحج والعمرة د. عبد الفتاح بن سليمان مشاط

Tarjamar

Abubakar Hamza Zakariyya

Ministirin hajji da umrah	MA'AIKATA
Bayani ga 'yan jaridu	SASHEN SADARWA
Tsarin yanar gizo da ke dora bus din jigilar daukar Mahajjata hanya/ Bus dubu sha takwas (18,000) domin jigilar Mahajjata zuwa wuraren bauta tsarkaka (Minah, Arfah, da Muzdalifah)	MAUDU'I
Cikin kasar Saudia da wajenta	YADAWA
09/ Zul-hijjah/1439h	RANA
>Mai girma Na'ibin Ministan hajji da umrah; Dr. Abdulfattah bn Sulaiman Mash-shad	MASU MAGANA
HIMMATUWAR MASARAUTAR SAUDIYA DA KULAWANTA GA BAKIN ALLAH; MAHAJJATA	SAKON AIKIN

Mai girma Na'ibin Ministan hajji da umrah

HIMMATUWAR MASARAUTAR SAUDIYA DA KULAWANTA GA BAKIN ALLAH; MAHAJJATA

Mai girma Na'ibin Ministan hajji da umrah; Dr. Abdulfattah bn Sulaiman Mushad ya bayyana cewa lallai bada kulawa ga Mahajjatan 'dakin Allah mai alfarma, yana tsayawa wajen fito da alhaki mai girma da ya doru a wuyan Masarautar larabawa ta Saudia, wanda ta ke samun murni na kai-tsaye daga hadimin Masallatan harami biyu, wato sarki Salman bn Abdul'aziz Alu-sa'ud, da mai jiran gado ma'abucin girma mai mulki Yarima Muhammadu bn Salman bn Abdul'aziz, wanda shine Na'ibin shugaban majalisar ministoci, kuma ministan tsaro –Allah ya kiyaye su-.

Kuma Dr. Mushad ya ce: "Lallai manyan ayyuka, wanda suka kasance, daga cikin jeringiyar hidimomin hajj da umrah, da aikin fadada Masallaci mai alfarma a karo na uku, kari a kan manyan ayyuka a wuraren ibada masu tsarki (Minah, Arfah, Muzdalifah), suna zuwa ne domin su iya daukan adadin Mahajjata, wanda ke kakkaruwa a kullum, kuma wadannan ayyukan sun fada cikin tarin ayyukan wannan kasa mai albarka ga bayin Allah; Mahajjata".

Kuma Mai girma Na'ibin ministan hajji da umrah ya karfafa cewa lallai umurnin mai hidimar harami biyu madaukaka da wanda mai girma mai jiran gadonsa yake bayarwa sun tsananta ga dukka hukumomi da ofisoshin da suke tarayya da hukumar hajji da umrah, a hajjin shekarar hijira ta 1439 kan muhimmancin bada cikakkiyar kulawa ga Mahajjata dakin Allah mai alfarma; ba tare da rarrabewa ba.

Kuma Dr. Mushad ya ce: "Lallai hidimomin intanet wadanda ministirin hajji suka samar da su, sun saukake wa bakin Allah; Mahajjata sauke ayyukansu, kuma sun tabbatar da sanin makamar aiki wanda ya zama dole, da mataki mai girma na yin ayyuka a fili, cikin dukkan ayyukan gudanarwa, wannan kuma tun lokacin shigan bakin Allah kasa mai tsarki, har lokacin da za su bar wannan kasa zuwa ga kasashensu suna cikin aminci, da samu ganima (riba) da izinin Allah".  

Kuma Dr. Mushad ya kara da cewa: "Lallai bada himma ga sha'anonin hajji da kula da Mahajjata yana zuwa daga manyan abinda wannan daular take basu muhimmanci, ta yadda take bada kulawa ta musamman da muhimmantarwa mai girma ga dukkan bangarorin hidimomi da tsare-tsare wadanda suke da alaka da samar tare da bunkasa dukkan bangarorinsa.

Kuma babban tsarin da ke hukunci ga wannan Masarautar ya yi bayani cewa lallai alhaki ne da ya rataya a wuyar hukumar yin hidimar harami biyu, da kulawa da Mahajjata, da ayyukan raya harami biyu madaukaka, da samar da aminci (tsaro) da kulawa ga wadanda suke nufo su, ta yadda hakan zai bada damar sauke ibadodin hajji da umrah da ziyara cikin sauki da rangwame".

            Kuma shugaban ya karfafa cewa hukumar tana cikin cikakken shiri na tarbar bakin Allah; Mahajjata, wadanda suke a yau litinin suke shirin tsayuwa a filin Arfah mai tsarki, ta yadda hukumar hajji da umrah ta sanya dukkan bangarorinta da Ma'aikatanta tsayuwa da wasu ayyukan domin jin dadin  Mahajjata dakin Allah, har su sauke ibadodinsu cikin dukkan sauki da walwala.

            Kuma a cikin jerin maganganunsa, lallai Mai girma Na'ibin shugaban hukumar hajji da umrah; Dr. Abdulfattah bn Sulaiman Mushad, ya bayyana cewa, lallai dukkan wakilan hukumar hajji masu yin aiki a wurare za su kasance a halarce a dukkan wurare, domin tabbatar da gabatar hidimomi ga Mahajjata, da tabbatar da kasancewar hidimar sun dace da sharruda da kuma sifofin da aka bayar'

            Kuma gwargwadon abinda ya zo daga Dr. Mushad lallai hidimar Bakin Allah daya ne daga cikin shirye-shirye na tabbatar da manufar wannan kasa mai taken shekarar 2030, wadanda "majalisar sha'anoni tattalin arziki da bunkasa kasa" suke aikin kula da zartar da shi, zuwa shekara ta 2020.

Kuma manufar wannan shirin na farko wanda a yanzu haka ya kama aiki, yana karfafa lamarin/ Saukake tarbar karin adadin Masu umrah, da saukake isowarsu harami biyu masu girma.

ita kuma manufa ta biyu an kebe ta ne wajen gabatar da hidimomi ma'abuta madaukakin kyau ga Mahajjata da masu umrah.

Ita kuma manufa ta uku tana bada muhimmanci ne, kan zurfafa wayewar addini da zamani a tsakankanin Mahajjata da masu umrah.

Kuma Dr. Mushad ya ce: "Tsarin shirin (hidimar bakin Alla; Mahajjata) yana bada dama wa adadi dayawa na Musulmai su sauke farillarsu ta hajji da umrah da ziyara, ta mafificiyar fiska, tare da yin aiki kan zurfafa wayewar addini da zamani a tsakankanin Mahajjata da masu umrah, ta hanyar shirya harami guda biyu madaukaka, da tabbatar sakon Musulunci; addinin Duniya, da shirya wuraren yawon bude-ido, da samun wayewa, da bayar da gabatar da mafi kololuwar hidimomi gabanin da lokacin da bayan ziyarar Mahajjata garin Makkatul mukarrama da Madinatul munawwara, da wuraren bauta masu tsarki (Mina, Arfah, Muzdalifah). Da kuma karfafa alakar kamfanoni masu cin gashin kansu, da yadda za su bada gudummawa mai girma wajen kyautata tattalin kamfanoninsu".

Kuma shirin "Hidimar bakin Allah; Mahajjata" an sanya masa manufofi guda takwas, wadanda ba su ne na asali ba, wadanda ake samunsu a cikin wasu tsare-tsaren na-daban, daga cikinsu akwai: Kyautata tsarin ginin biranen Saudia, bunkasa bangaren buda-ido, kiyaye ababen da aka gada a wannan masarauta ta Saudia na Musulunci, da Larabawa, da Kasa, da aikin sanar da Mutane wadannan kayayyakin.

Kuma Dr. Mushad ya gama ta'alikinsa ne, da cewa: lallai ministirin hajji da umrah ta kirkiri ofishin ganin tabbatuwar manufar kasar Saudia (2030) mai alaka da bangaren hajji da umrah, domin ya zama window ne wanda ta nan Duniya za ta tsinkayi aikin bunkasa wannan kasar, kuma shine zai kulle tsakaninta da tsakanin abokan tarayyarta, domin abubuwan da wannan hukumar ta hajji zata fito da su, domin tabbatar da wannan manufa ta kasa.

Kuma shima tsarin kawo canje-canje na kasa wanda ke da manufar bayar da dama ga adadi mai yawa na Musulmai, damar sauke faralin ayyukan hajji da umrah, da zartar da tsare-tsare masu dogon zango masu kuma tasiri, tare da gamayyar kamfanoni. Da bunkasa wayewa ko karuwar ilimin Mahajjata da masu umrah, da bunkasa wayewar ma'aikatan hukumar hajji da umrah. Da samar da hanyoyin bunkasa tsari tsakanin dukkan Ma'aikatun da alhakin yin dokoki da gudanar na lokaci hajji da umrah ya doru a wuyansu.

Kuma Mai girma Na'ibin ministan hajji da umrah ya ce: "Ofishin tabbatar da manufofin kasa 2030 ya gabatar da ayyuka dayawa ta wannan  bangaren, daga cikin misalinsu akwai: Tanadar cikakken tsari na wuraren ibada masu tsarki (Minah, Arfa, Muzdalifah), kuma wannan aikin ya kebantu, da yin nazarin hakin da wuraren suke a yanzu, a cikin ckakken tsarin nan na bunkasa Makkatul mukarrama da Madinatul munawwara, ta yadda za su iya zama cikin shirin tarbar Karin adadi mai yawa nab akin Allah; Mahajjata, domin tabbatar da manufar 2030, da samar saukin aiki da jin dadi da kula da lamuran tsaro da aminci, da tsare-tsaren kula da muhalli, da kauce wa ababen da suke bata gari, da kula da tsafta, da tabbatar da samar da birane masu bishiyoyi korra, da kawo cigaba ta bangaren takanoloji, da tsarin da zai tabbatar da gabatar da hidimomi, musamman a lokutan cunkoso, wajen yawatawan Mahajjata, a lokacin zamansu a Makka da Madina da wuraren bauta na Mina da Arfa da Muzdalifa, da lura da kai-komon masu umrah da mahajjatan cikin kasa, da yadda za a gudanar da ayyukan taron jama'a. kuma lallai yiwuwar amfana da dukkan wurare abu ne da ake nazari akansa, a lokacin ayyukan hajji da umrah da ziyara, da kara bunkasa abinda za a samu ta bangaren tattalin arzikin kasa, tare da shiga da kamfanoni a cikin lamarin. Haka lamarin samar da tare da shirya nazari kan menene amfanuwa da za a iya samu, da rubuta sharudda da sifofin ayyuka, domin a iya zartar da abinda zai haifu na ayyukan da za a zartar da su a gaba, bayan an gudanar da wadancan bincike-binciken"

## Labarin ya kare##

SAUDIYA BATA SHIGAR DA SIYASA CIKIN AYYUKAN HAJJI (لم يسجل على المملكة تسييسها لفريضة الحج)

SAUDIYA BATA SHIGAR DA SIYASA CIKIN AYYUKAN HAJJI

(لم يسجل على المملكة تسييسها لفريضة الحج)

Ministan wakafai da shiryatarwa na kasar Yamen

Dr. Ahmad Adiyah

Tarjamar

Abubakar Hamza Zakariyya

SIYASANTAR DA HAJJI	MA'AIKATA
Bayani ga 'yan jaridu	SASHEN SADARWA
BA A SAMU SAUDIYA TANA SHIGAR DA SIYASA CIKIN AYYUKAN HAJJI BA KO SAU DAYA	MAUDU'I
Cikin kasar Saudia da wajenta	YADAWA
10/ Zul-hijjah/1439h	RANA
Ministan wakafai da shiryatarwa na kasar Yamen	MASU MAGANA
SAMUN FALALAR HIDIMAR BAYIN ALLAH, BA TARE DA SUN SANYA SIYASA CIKI BA	SAKON AIKIN

Ministan wakafai da shiryatarwa na kasar Yamen;

BA A SAMU SAUDIYA TANA SHIGAR DA SIYASA CIKIN FARILLAR HAJJI BA  

Ministan wakafai da shiryatarwa na kasar Yamen; Dr. Ahmad Adiyah ya bayyana cewa, ba a taba samun masarautar larabawa ta Saudiya tana shigar da siyasa ko sau daya a cikin lamarin farillar hajjin dakin Allah mai alfarma ba, musamman tare da kasashen da take da matsaya ko sabani na siyasa ba. 

Kuma Wazirin Yaman ya ce: "Lallai tarihin siyasar kasar Saudiya na wannan zamani da muke ciki, yana bada shaida cewa, lallai Saudiya koda tana cikin matsanancin yanayi na siyasa tare da wasu kasashe, to lallai bata taba hana Mahajjata sauke ayyukansu na hajji ba, wannan kuma haka ya ke tun zamanin wanda ya assasa masarautar, wato sarki Abdul'aziz bn Abdurrahman, Allah ya dadada makwancinsa".

Da Ministan Ahmad Adiyah yake tabo matsalar kasar Yaman, sai ya kawo hujjar cewa SAudia ta bada bisar hajji ga mahajjata fiye da dubu 10, wadanda suke zaune a yankunan da suke hannun wadanda suka kifar da gwamnati, kamar garin San'a'a, da Sa'ida, da Imrana, da wasunsu, ya ce wannan kuma dalili ne mai matukar karfi kan yadda hukumar masarautar Saudia take kwadayin kada ta siyasantar da aikin hajji, kuma domin ta baiwa Musulmin da ke kwadayin sauke ibadarsa cikin sauki da jin dadi, koda kuwa yaya akidarsa ta ke.

Ya karfafa maganarsa na cewa lallai masarautar Saudiya bata taba hana wani mutum wanda yay i nufin ziyartar Ka'aba ba, ko-yaya kuwa matsayarsa ta siyasa ta ke, ko mafiskantarsa ta akida, yana mai kara cewa: Saidai matsayar masarautar Saudiya matsaya ce tabbatacciya, kan haninta mai tsanani na a juyar da da ibadar hajji ta zamo minbarorin siyasa, wadanda akidu da kungiyoyi da bangarori da mazhabobi za su yi ta cin-karo da juna.

Kuma Wazirin wakafai da shiryatarwa na Yaman; Dr. Ahmad Adiyah ya karfafa cewa lallai lamarin hajji lokaci ne na addini mai tarin kwarjini, ga duniyar Musulunci, yana da sharrudansa da wajibansa. Kuma biliyoyin mutane suke bibiyan ababen da suke aukuwa a cikinsa; don haka abu ne na dabi'a kasar Saudiya ta shelanta -cikin azama- cewa, tana kin a juya shi ya zama wuri ko filin yada ajendodi na siyasa, kuma lallai Saudiya za ta tsaya kai-da-fata wajen yakan kowane aiki ko dabi'ar da zata sabbaba tashin-tashina, ko ta sanya amincin Mahajjata cikin garari.

Kuma, a nan ya yi nuni kan gudumawa mai girma wanda masarautar Saudiya, karkashin jagorancin Mai hidimar harami madaukaka guda biyu; sarki Salman bn Abdul'aziz Alu-sa'ud –Allah ya kiyaye shi- da mai girma mai jirna gado ma'abucin darajar saurauta yarima Muhammadu bn Salman bn Abdul'aziz, na'ibin shugaban majalisar wazirai, kuma ministan tsaro, (Allah ya kiyaye su). Kuma dukkan hukumomi ma'abuta alaka da hajji, daga cikinsu kuma akwai ministirin hajji da umrah wanda ita ce kamar window ga duniyar Musulunci ta ke saukake hanyar saukake ayyukan ziyartar dakin Allah mai alfarma.

Kuma ya ce: "Duk da cewa wannan shine hajji karo na uku bayan halin yaki, wanda 'yan shi'ar Huthi suka janyo a kasar Yaman, sai kuma taron hadin guiwa wadanda suke karfafa a bar gwamnati halastacciya, karkashin jagorancin masarautar Saudiya, saidai Saudiyyar bata shigar kuma ba za ta shigar da siyasa a lamarin hajji ba, kuma hakan shine tarihinta a tsawon samuwar gwamnatinsu, a'a, sai ma abinda ministirin hajji da umrah a kasar Saudiya ta yi na gabatar da dukkan rangwame ga hukumar hajji ta kasar jamhuriyyar Yaman. Kuma sadarwa yana ci-gaba tsakanin shugaban hukumar hajji, da kuma mai girma na'ibinsa, wadanda duk lokacin da wasu abubuwa masu wahala suka fiskance mu, suna kasancewa masu gaggawan warware mana su, tare da ayyuka masu girma wanda suke wuyansu". 

Kuma ya bayyana cewa lallai, lallai kasar Saudiya a duk lokacin da take fito-na-fito da lamarin siyasantar da hajji, to lallai ita da hakan, tana tsayuwar daka domin hana shigo da tashin-tashinar da ke cikin wannan kasar ko wancan, ko daga tutar wannan kasar ko waccar, a lokacin hajji. Wannan kuma saboda hakan zai munana wa alamomin addini madaukaki, kari a kan cewa hakan zai taba aminci ko zaman lafiyar Mahajjata. Kuma a watan Yuliyo wanda ya gabata, kungiyar kasashen larabawa ta shelanta karfafawanta ga kokarin masarautar larabawa ta SAudiyya, kan rashin siyasantar da lamarin hajji, domin hakan, "layi ne ja, wanda baya halatta a ketare shi".

## Labarin ya kare##

TSARIN KULA DA MOTOCIN JIGILAR MAHAJJATA (النقابة العامة للسيارات)

TSARIN KULA DA MOTOCIN JIGILAR MAHAJJATA

(النقابة العامة للسيارات)

Tarjamar

Abubakar Hamza Zakariyya

Ma'aikatar kula da motocin daukan Mahajjata	MA'AIKATA
Rahoro ga jaridu	SASHEN SADARWA
Tsarin yanar gizo da ke dora bus din jigilar daukar Mahajjata hanya/ Bus dubu sha takwas (18,000) domin jigilar Mahajjata zuwa wuraren bauta tsarkaka (Minah, Arfah, da Muzdalifah)	MAUDU'I
Cikin kasar Saudia da wajenta	YADAWA
06/ Zul-hijjah/1439h	RANA
>Shugaban ofishin kulawa da motocin jigilar Mahajjata. >Daraktan kula da aikin motocin a wuraren aikinsu. >Bayanan tsarin aikin motocin, na hajjin shekara ta 1439h	MASU MAGANA
Hada hannu domin gabatar da hidima ga Bakin Allah; Mahajjata	SAKON AIKIN

Map a yanar gizo domin bibiya da nusar da bus na daukar Mahajjata

BUS DUBU SHA TAKWAS (18.000) SUNA JIGILAR MAHAJJATA MILIYAN 1.82 ZUWA WURAREN BAUTA MASU TSARKI (MINAH, ARFAH, DA MUZDALIFA)

Shugaban ofishin kula da motocin jigilar Mahajjata; Wato Abdurrahman bn Ma'ayuf Alharbiy ya bayyana cewa bus 18,415 sune za su yi jigilar bakin Allah Mahajjata zuwa wuraren bauta masu tsarki, domin su yi ayyukan hajjinsu na shekara ta 1439H.

            Kuma ofishin kulawa da motoci yana jiran samun karuwan Mahajjata, idan an kula da yadda hajjin baya ya gabata (1438h), Karin da zai iya kaiwa goma cikin dari (₁₀^/100) wato kimani Mahajjata (195,965). Kuma shugaban ya ce:

"Lallai kamfanoni masu yin jigilar Mahajjata, wadanda suke yin aiki karkashin inuwar kulawar hukumar kula da motoci, suna burin kawo motocin jigila wadanda suka dace da bakin Allah; Mahajjata, domin jidon su, daga kafafen shigowa kasar Saudia, zuwa inda suka nufa a garin Makkah, ko Madinatul munawwarah, ko tafiya cikin wuraren bauta masu tsarki –Minah, Arfah, Muzdalifa-, domin su yi ibadodinsu".

            Kamar yadda hukumar ta yi doka ga kamfanonin jigilar Mahajjata (wato kamfani 35) cewa lallai shekarun sana'anta motocin jigilar Mahajjata, kada ya fice daga tsakanin 2013 zuwa 2018 (shekaru biyar da suka shude), wannan kuma domin bayin Allah; Mahajjata, su samu cikakken hutu da moriya.

            --------- Tallafin ministirin hajji

Kuma shugaban hukumar kulawa da motocin ya yi nuni cewa, lallai tallafi ne mai girma hukumomin da suke tarayya cikin aikin hidimar Mahajjata daga wannan kasar (ta Saudia), da samun bibiya da umurni daga Mai girma ministan hajji da umrah; wato Dr. Muhammadu Salih bn Dahir Bintin, da Mai girma Na'ibinsa; Dr. Abdulfattah bn Sulaiman Mushad. Yana mai kirga hakan a matsayin sababi mai girma kuma karfafa guiwa domin dorewa wajen bunkasa aiki, da kara kyautata kayan aikin tsare-tsare da na gudanarwa. Da kokarin ficewa daga tsarin da aka masa taken: Khidmar Mahajjaci (خدمة الحاج) zuwa ga tsari mai taken: Shirya garar bako (صناعة الضيافة) tare da gina sarkar hidima Mahajjata mai tasiri, daga hidimomi da tattali domin hajji da umrah, wanda za su ka ga cimma tsarin kawo canji ga kasar mai taken 2020, da manufar bunkasa ta da aka masa lakabi da 2030.

Shugaba Abdurrahman Ma'ayuf Alharbiy ya karfafa cewa lallai hukumar kulawa da motocin jigilar Mahajjata ta tsayu wajen yin jerin ayyuka kuma cikakku, wadanda aka hada karfi domin hidimar Mahajjata, da kauracewa barci domin samun hutunsu, da yin hidimomi a gare su, tun lokacin shigowansu wannan kasa (Saudia), ta dukkan hanyoyin shiganta, domin sauke ayyukansu na hajji, har zuwa lokacin ficewarsu daga kasar ta Saudia.

Tsarin aikin kula da motocin jigilar mahajjata na shekarar 1439h ya yi nunin cewa, lallai jimillar kujerun bus din jigilar hajji, wadanda suke aiki akan tsarin jigilar kai-komo (النقل الترددي) sun kai kujeru 849,019, wanda hakan ke nuna cewa, matsakaicin abinda kowace bus take da sun a wuraren zama shine gurbi 47.

---------- Map na intanet

A karon farko, ofishin kula da motocin jigilar Mahajjata, sun sake wani tsari mai suna "daif" a intanet, domin tsattsara hidimomin jigilar jeka-ka-dawo, a wuraren ibada masu tsarki (Minah, Arfah, Muzdalifah), domin bude hidimar jigilar, ko cike bayanan neman jigilar, da tsara ayyukan gudanar da jigilar motocin, da bin inda suke; ta hanyar map da yake cikin intanet, wanda hakan zai bada damar bin-diddigin fiye da bus dubu goma sha takwas (18), a lokaci guda.

Gwargwadon abinda ya zo cikin maganar Daraktan kula da aikin motoci a wuraren aikinsu; wato injiniya Ahmad Kariy, to lallai wannan matakin ya zo cikin matakan yin amfani da dukkan damammaki, domin hidima ga bakin Allah; Mahajjata, ta hanyar bibiyar yadda bus take tafiya a lokacin tafiyarta, wanda hakan zai samar da kulolon aminci kan motocin jigila da sadarwa".

A nan sai Dr. Kariy ya kara bayani cewa: "Shi tsari mai suna daif, zai baiwa hukumar kula da jigilar motoci damar bibiyar motsawan dukkan bus na jigila mallakin kamfanonin da suka yi tarayya wajen hidimar hajjin wannan shekarar, da yadda motocin nasu suke bin layukan da aka tsara musu, kuma za su samu tabbacin lokatan lodin kai-komo wanda yake cikin tsari ko jadawali, ta hanyar linkin da aka tanadar na intanet". 

Kuma ya kara da cewa: "Lallai map na intanet yana bayyanar da layukan motocin bus, akan wata komfuta, a wani daki ko ofishi na musamman na ma'aikatan kula da wadannan motocin. Kuma wannan tsarin yay i fice ta hanyar bayyanar da gurbin da kowace mota ta ke, kuma yana sane da dukkan motsawanta, ta yadda yake bayyanar da lambar motar, da wuraren da duk ta je, gwargwadon layukansu iyakantattu. Kamar yadda yake bayyanar da kwanan watan duk wani motsi, da lokaci, ta hanyar fadin awoyi da mintoci da sekon din dakikoki, tare da bayanin irin saurin da motar ta ke yi (a dukkan wurare).

Amfani da taknoloji na zamani yana zuwa ne cikin kokarin da baya yankewa na ofishin kula wa da motoci, da nufin su samar da mataki mafi girma aminci da jin amintuwa, ga hanyoyin daukar mutane da sadar da su ga bukatunsu. Da kuma kara kyautata irin hidimar da ake gabatarwa gab akin Allah; Mahajjata.

Kuma ofishin kulawa da motocin hidimar Mahajjata suna da manufofi guda bakwai (07) domin dora motocin bus na jigilar akan hanyar da tafi, daga cikinsu:

1-     Amfani da fasahar map da take cikin intanet.

2-     Shigar da fasahar zamani domin bunkasa ayyukan dora motocin bus na jigilar Mahajjata akan turba.

3-     Bada damar yin hidimomi masu tarin yawa, wadanda suke da alaka da bibiyar motocin jigilar, bayan kulla kowace mota da mai nuna mata hanya, kuma an kasa su kashi-kashi.

4-     Baiwa shugannin kowane kamfani damar gudanar da ko bibiyar dukkan dukkan motocin da mallakinsu ne.

5-     Magance matsalar bacewar motocin jigilar, ko jinkirin dawowansu.

6-     Saurin bada sanarwan bacin motocin da ka iya aukuwa, ta hanyar mai nuna wa Direba hanya.

7-     Gano wurin da motar ta caskare, ta hanyan wannan sabon tsari.

8-     Kari akan, tabbatar wa Mahajjata hutunsu.

An mika lamarin tirenin don iya aiki da tsarin "daif" na intanet, ga ofishin samar da tsare-tsare na kula da motocin jidon Mahajjata, ta yadda su kuma suka sanar da wadanda za su amfana, ko su rika amfani da shi da ma'aikatan a mu'assasosin bayar da hemomi da kula da jigila, tare da nuna wannan tsarin ga masu aikin nuna wa direbobi wurare, da wasu daga cikin direbobin motocin bus wadanda suke jigila ta kai-komo.

·        Adadin Mahajjatan da aka yi jigilarsu da motocin bus, a shekarun da suka gabata:

§  Hajjin 1435H: 1,324,000

§  Hajjin 1436H: 1,364,000     

§  Hajjin 1437H: 1,334,000

§  Hajjin 1438H: 1,644,000

§  Hajjin 1439H: 1,820,000

·        Manufofin aikin bibiyarmotocin jigilar Mahajjata ta tsarin kafar intanet

1)     Amfani da fasahar map da take cikin intanet.

2)     Shigar da fasahar zamani domin bunkasa ayyukan dora motocin bus na jigilar Mahajjata akan turba.

3)     Bada damar yin hidimomi masu tarin yawa, wadanda suke da alaka da bibiyar motocin jigilar, bayan kulla kowace mota da mai nuna mata hanya, kuma an kasa su kashi-kashi.

4)     Baiwa shugannin kowane kamfani damar gudanar da ko bibiyar dukkan dukkan motocin da mallakinsu ne.

5)     Magance matsalar bacewar motocin jigilar, ko jinkirin dawowansu.

6)     Saurin bada sanarwan bacin motocin da ka iya aukuwa, ta hanyar mai nuna wa Direba hanya.

7)     Gano wurin da motar ta caskare, ta hanyan wannan sabon tsari.

8)     Kari akan, tabbatar wa Mahajjata hutunsu.

## Labarin ya kare##